[اللحالي]

‏يـالله يــامـنـزل تـبــارك والانــعـــام
يـا خـالـق ٍ لـلـخـلـق عــالـم خـفـاهـا

تــعـلـم بــدورات الـلـيـالــي والايـام
تـعـلـم بـمـا تـبـدي و تـخـفـي وراهـا

نـعـوذ بِــك مــن شـر زلات الاقــدام
وشر الـنـوايا الـسـود والـلـي نـواهـا

ونـعـوذ بك من شـر حـاسـد ونـمـام
ونـعـوذبـك مـن شــر نــاس ٍ تـبـاهـا

على المعاصي صـابهـا خف وهـيـام
قامت تسوق انفـوسـهـا في هـواهـا

من عادت الدنـيـا شـرابـيك والـغـام
مـاتْـنـومِـن لـو زان فـيـهـا عـشــاهـا

دارت دوايـرهـا عـلــى مِـلك صـدام
مـافـاد مِــلـكـه يــوم دارت رحـاهـا

من عقب مايامرعلى شعب وخصام
يِحـسب احساب إلخطبته لاقـراهـا

وليا مشى خلـفــه طـوابيـر الازلام
و مدافعٍ للجيش تِـرهــب إعـداهــا

اصبح بهاجثه وهي صارت إحطام
عن السموم الشـيـن مـذرى ذراهــا

إليا ارتفع قومٍ بـهـا طاحـت اقـوام
هـذا تـعـشـى بــه و هــذا غــداهــا

كم واحدٍ فـيـهـا تـعـرض للأسـقـام
به الـمـرض والـهــم كـدر صـفـاهــا

يـالله تـحـفـظ دارنــا دار الاســلام
أزكـى رسـولٍ مبـعـثـه مـن ثـراهــا

هـي منبـع التوحيد للخيـر مـقـدام
دار الـسّــعـود الـلـي يِــذري ذراهــا

فلاح محمد الحربي