[اللحالي]

بسبب متمشعر بمقاصد تجاهي بأحد القروبات

يعني متمشعر بصفصفة هرج لذالك لم احفض منه شي

قلت من باب المداعبه لهذا المتمشعر لكونه قريب

يالشّاعر اللي ماقدرت افهمك زين
حتّى لوانّي صرت معك متشانق

انا اشهد انّك شاعرٍ تفضخ العين
لكن جماهيرك لها الوقت خانق

وش عاد لو لك بالغزل والمزايين
وجبت البيوت بلابسات البخانق

ذيك السّوالف رمزها بين قوسين
وبين الكواكب يملكن الرّوانق

يروق فيهن من صنوف الثّقالين
متضيّفين مع الكوارع نقانق

كلٍ يبي يقول وين الميامين
اللي بجزل الذّوق لهم دوانق

هذا القصيد اللي عليه البراهين
بالارض فلواته سباق الغرانق

ومع طائرات الميق واحد وعشرين
ينفض جناحينه ومعهن يعانق

والسموحه من الجميع هذا مايسمح به النشر