يا من يحمس كبودكم ضعف الإيمان=إيماننا ما ينتقص بالفجايع
=
ذي سنّة المعبود في كل الأزمان=حتّى الرّسل والأنبياء بالوقايع
=
والواقعة يشعر بها الإنس والجان=وجميع خلق الله تذوق الّلوايع
=
لكن رجانا فيك يا عالي الشّأن=تجعل لموتانا الجنان الوسايع
=
يالله في هذا الوطن منك الإحسان=يا واهب الهادي بجزل الشّفايع
=
هذا الوطن محكوم بأيآت قرءآن=وشريعةٍ ما مثلها بالشّرايع
=
في ديننا الّلي خاتمٍ كلّ الأديان=منهج نبي الله جزيل النّفايع
=
وحنّا على المنهاج من فضل رحمن=لو راحت الأرواح منّا تبايع
=
لو مات عبدالله خلف فيه سلمان=وحنّا على نهج الشّريعة نبايع
=
حنّا وطنّا ما يقارن بالأوطان=مزبان من لاعه من الوقت لايع