اللحالي الغيداني
يـاخـوي يومـنّـي تعـيّـنـت فـــي درب = مـع خـايـعٍ كـانـت عـشـوبـه هـفاهـيـف
=
وشفت انصرام العود واقفايـة الشّـرب = والمنظـر اللـي منـه عمـس التّـشـاويـف
=
ذكــرت ستّـيـنٍ مـضـن ضـمّـرٍ جـــرب = يوم انكـفن بـي فـي نـدومْ وحـواسـيـف
=
قمت ادعـس الابَنْصْ في مِبْعِـد السّرب = وقـامـت كناديــس اللاهايـب شـواخـيـف
=
وقــام ايـتـمـالا نـــازح الـبـعـد لـلـقـرب = ويغنـج علـى اليايـات غنـج الغطـاريـف
=
كنّه يسولف لي عـن الشّـرق والغـرب = وأقــول مــع مـزعـم تـزيـن السّــوالـيـف
=
الشّاعـر الّلي شـاق لي من بني حـرب = مــن غـيـر قـاصـر بالـرّجـال العـواريـف
=
=
ردّ مزعم الكمي
ســلـمـت يـا جـزاع يـالـشـاعـر الـذرب = وافي ولـو دنـيـاك ما جـت على الـكـيـف
=
الله يـاجـعـلـه مـا يـجي حـالـك الــكـرب = لاعــافـيــتـك ولابــشــح الــمــصـاريـف
=
وش رايـك انـقـلـها من السـلم للـحـرب = ومن الـمـطـروالـعـشـب يـم الـعـواصـيف
=
ومن السـنـين الـجـرب للـدم والـضـرب = بـعـيـد عـنـك وعـن وطـنـّا الـتـخـالــيـف
=
الـبـوسـنـه والهرسك اجرم بها الصرب = والـشـام صـار أكـثـر عــذاب وتـكـالـيـف
=
عـدوان ديـن الله من الـفـرس والـعرب = اهـل الـجـرايــم جـاحـديــن الــمـعــاريـف
=
أنـصـار بـشـارالـعـفـن بـومــة الــزرب = مـهـزوم مـهزومـيـن حـزب الـمـلا قـيـف
=
=