عرض مشاركة واحدة
قديم 05-08-2017, 06:59 PM   #2
اللحالي
مالك الموقع
 
الصورة الرمزية اللحالي
 
تاريخ التسجيل: May 2014
المشاركات: 6,506

اوسمتي

افتراضي

الصاحب - اللي - كل ماقلت ابى انسـاه
ماطاعـنـي قـلـبٍ عــن الـحـب مـاتـاب

يصـعـب عـلـي انـسـاه والا اتـنـاسـاه
لو غاب عن - عينـي عـن القلـب ماغـاب

الصاحـب - اللـي ولـع القـلب واشـقـاه
واقـفـا وخـلانـي بــلا ذنــب واسـبـاب

مـافـيــه يـــوم يـمـر - مـاتـمـر ذكراه
واشغلت - فكري - فيه واتعبت -الاعصاب

يبدي - لي - اعجابه - ويبـدي لـي ارضـاه
وانــا - بـعـد ابديت لــه كــل الاعـجــاب

لامـبـعــدٍ عــنــي لاجــل مـااتــرجـاه
ولافـــاتـــحٍ بــــابٍ ولاقــافــلٍ بــاب

قلـبـي تـولـع فـيـه وازريــت لاانـهـاه
ضـحــاّ علـشـانـه بـغـالـيـن واحــبـاب

هــذا الحبـيـب الـلـي مـعـه داه ودواه
وقسى عليه ولاحسب للهوى - حسـاب

استيسره - و اصبح من اكبـر - ضحايـاه
يالله - تـفـك - الاســر يــارب الاربــاب
__________________


لا إله إلا أنت سبحانك إنّي كنت من الظّالمين
اللحالي غير متواجد حالياً   رد مع اقتباس