[سعد السمين]

أبيات لوالدي رحمه الله

الصدر ضايق يا سعد ولم الجيب=وجميع مايحتاج له يالسنافي
هاجوس في قلبي يجي مر ويغيب=أفز تالي الليل وأرمي اللحافي
عجل علي إن كان تبغاني أطيب=قدام لا أروح على الرجل حافي
نبي نشب النار وسط العراقيب=حمر الطعوس الشامخات النظافي
نبعد عن اللي يشذبون العراقيب=هراجتن بالناس بين وخافي
ثم سو لي فنجال يا منقع الطيب=فنجال ما بين الفناجيل كافي
يجلى عن النفس العليلة لواهيب=لاهوب في كبدي عن الناس خافي

تركي سعد السمين



ورديت عليه بهذه الأبيات :

يابو سعد مع ضيقتك فرحتي تغيب=والجو ماهو جو لو كان صافي
يفداك منهو ما يعرف المواجيب=ويفداك منهم بالمواقف ضعافي
ويفداك منهو بالقفاء دايم يعيب=ناس لها قلبي وعقلي يعافي
ليا بغيت الدرب قل جهز الجيب=والجيب لك يجهز بشكل احترافي
وتلقى التوانك راكبه والمراكيب=ومن فوقها العزبه وعفش اضافي
نمشي على كيفك الين انك تطيب=ويروح شي بالصدر ما يشافي
ومادام لي ما قلت نبغى المعازيب=أنا على الطاره نويت إعتكافي

سعد تركي السمين

معيض الضعيني ,ترانيم حربيه ,الراقي و 1 آخرون معجبون بهذا

اللحالي الغيداني