[اللحالي]

حبايبي الجميع القصيده الاتيه للشاعر لافي محمد الغيداني و لحقتها مجريات من شعار غيادين وضعتها في ديوان شاعر أوّل قصيده مع المجاريات و تقبّلوا تحيات اللحالي سرهيد

مـادامـنـي حرّ؟ ورجـولـي يـشـيـلنّي
والموتر اللي معي وأنا أقـدر أسـوقـه

وأطلع براس الـرجـم وأسـج وأغـنّي
وأوسـع الـبـال في قـافي و طاروقـه

وأرسل قصيدي على اللي يقبله منّي
اللي يعرف الـقـصـيـد وفـنـه وذوقـه

ونـقـضّـي الـوقـت والآجـال يـدنـنّـي
و أيامنا.اللي مضت ماهي بـمـلحوقه

يـارب يـافـارق أبـن آدم عـن الـجـنّـي
ياوالي الـعرش ياللي مـعـتلي..فـوقـه

تـغـفـر؟ ذنـوب ٍ عـلـيّـه؟ مــايـعـدنّـي
في ساعة ٍ حاسمـه مالي بهـا طُـوقـه

ونزّل عليّ الـسـكون اللي يـطـمـنّـي
ياالله في رحمـة الخالق لـمـخـلـوقـه

لافي بن محمد بن جابر الغيداني

حييت بـابـيات خالي حين ماجني
الي على الطيب فعلـه ومـنـطـوقـة

وفيه الوفاءساس من صغرومسني
والطيب يجري مع دمـاه بـعـروقـه

وعسى يدينه ورجلينه مايـعـاقـنّي
والله يجيره من صواديفن تعـوقـه

ويـاخـال. كان. ان فـنـك على فـنّي
خلك يمين والموتر اكفـيك سـوقـه

من فوق من كف المواترمايطوفنّي
ولحاق ماقدمه و يصعب لحـوقـه

ونـبـي لـنـا جـوّن غدرانـه مايجفنّي
ودايم عليه المزن ماتفصـل بـروقـه

ونبته يشوق العيون اللي يـشـوفنّي
ليا قام يطرق نسيم العصر زملـوقـه

ونـبـعـد عن لـواهيبٍ بنجد يـشـونّي
وشجرها من الـلـواهـيب مـحـروقـة

ولا فيه رجعة لين اللواهيب يقـفـنّي
والوسم مزنه بالمنشأ تراكم طبوقه

مخلد ابن خالد الغيداني
ابو مساعد


ردي على مجاراة : أبومساعد

إلـيـا. عـوى ذيـب لـذيـاب ٍ تـعـاونّي
ياذيب ياللي عويت براس شاهوقه

يـالـقـرم انا خابـرك ظنك على ظني
النادر اللي يعـشّـق الطيب وطروقه

وديـارك الـلـي ذكرتـم مـايـشـوقنّي
تسلم لأهلهـا وكلن يـعـجـبـه سـوقه

شفي هواء نجد.ياللي نـاشـد ٍ عنّي
ليا اختلـط..لـون نـواره و رقـروقـه

لـيـا بـكّـر الـوسـم و الامـزان هـلنّي
ياخذ حوالي شهر والوبل من فوقه

لـعـل وديـانـهـا دايــم.. يـســيـلـنّـي
يامـاحلى نبت حـوذانـه وثـعـلـوقـه

يفرح بـه اللي يجي من بعد متعنّي
مستانسٍ فيه راع الضان والـنوقـه

واللي مضالي من السجـات يكفـنّي
واللي بقى بعدهـا مـاعـاد لـه لـوقـه

لافي بن محمد الغيداني

يـالافي أرق؟ الـطّـوايـل لـو؟ تـعـلّنّي
توسيعة الصدر ريف العمر وحقوقـه

ايوالله افهمك.يـابـو بـدر و أمـتـنّـي
المقصد ان الـمـولّـع يـبـلـغ شـفـوقـه

الآدمـي بـالـولـع...ردّ؟الـخـبـر عــنّـي
انّـه سريع الطّمع مـايـقـبـل فـهـوقـه

والـرّفـقـه الـلـي بها المرفوق متهنّي
تاصل براسك قنوف المزن لعـنـوقـه

واللي مصاديـر لـلـمــعـزاب؟ يـردنّي
ياراعي الذّود. هات؟ الذّود لغـبـوقـه

وكان الـهقـاوي بـمـاجـابـنّـه اقـفـنّـي
اشلع مثل شلعت اللي طلق ٍسـبوقـه

وإلاّ لياشافت بعض النّجـم يـسـرنّي
خذّ مع دباديب جـرد. البيد تـزروقـه

دام الجهد.يستطيع و لأنت مـتـونّي
حرفات.ذيب.إيتحرّا..الليل لـمـروقـه

وابو مسـاعـد عشير الـهـيـل و البنّي
وجمـيعـكم بالكرم يزهاكم عـشـوقـه

سرهيد ابن حمدان 1444/2/3هـ