[اللحالي]

ليا ضاق بالي نصيت الذود
وأبـديت بـالـرجـم هـوبـالـه

مـاهـو على لـيـنـات الـعـود
هـوبال؟ مـن ضـايـقٍ ٍ بـالـه

وأنا أدري اللي مضى مايعود
يوم الكبر شـفـت مـرسـالـه

أيـام وإلا الـعـمـر مـحـدود
وكلن يبـا يـواجـه أعـمـالـه

أحـدٍ يفـوز بـنـعـيـم وفـود
وأحـدٍ فـال الـلـه و لافـالـه

الآدمي لـويـعـيـش عـقـود
يـمـوت؟ مـاحـقـق؟ آمـالـه

أوصيك يالغافل المجحـود
حافض على الدين وأفعاله

وأربع ركعاتٍ والناس رقود
تـنـاجي؟ الـرّب؟ و تـسـالـه

لافي بن محمد بن جابر(أبوبدر)

هلاهلابك ياخوي سـعـود
وأبـوفـهـد خـالـد مـلـيفي

خوه ورفقة وطيب وزود
ولـهـم عـلـيـه مـعـاريـفي

ولاني قاصرهاعن الموجود
بحضورهـم زاد تـشـريـفي

وإليا أجتمعنا هو المقصود
من دون كلفه وتـكـلـيـفي

وسوالف ٍ مـابـهـا مـنـقـود
مغير مزوح وعـجـاريـفي

في جلسةٍ مع نسيم النود
بـرّ؟ و بـراد وهـفـاهـيـفي

والله لوإنا مانذوق العـود
إلا فـنجال ٍ من الـكـيـفـي

يسوى خروف وظهر قعود
مـن الـدلال الـمـهـاديـفـي

قبل يجي يومنا الموعـود
مـن راح؟ مـنّـا ولاشـيفي

أجسامنا مقـتفيهـا الـدود
بين اللحود المـجـاويـفي

وإلياوقع يومنا المشهـود
ماينفـعـن الـتـحـاسـيـفي

وصحايفٍ بـيـض وسـود
مـسـجلات بـمـضـاريـفي

نلقى عملـنا بـهـامـجـرود
صـحـيـح مـافيه تزييفي

يومٍ يشـيّب بـه الـمـولود
وتـفـرّ؟ مـنـه الـمـواليفي

وأنا أحمدالله عشنا عقود
والحال مسـتور يامنيفي

عشناالحياه بطرب ونكود
أيـام؟ فـيـهـا.. تـخـاليفي

وعصرالجهل ماعنه منشود
والـيـوم عـنـدنـا مناكيفي

ياالله يالواحـد الـمـعـبـود
تـغـفـر ذنـوب ٍ مـراديـفـي

لافي بن محمد بن جابر (أبو بدر)

‏‪رد الشاعر:أبوفهد

هات القلم واكتب المردود
من فيض فكري وتـأليفي

إبك البقاء ياحلف الـجـود
يامكرم الجـار والـضـيـفي

لافي بطيب النداءمحمود
من ماضيات الاسـالـيـفي

متسلسلن من عرين فهود
مـاهوب يحتاج تـعـريـفي

من روس ربعي حماة الذود
بـمـصقـلـن حـده رهـيـفي

شـرواك نبذلـه الـمـجـهـود
من شـان مايلحقـه حيفي

وخوتك يابن محمد. فـود
تـفـوق كل الـتـواصـيـفـي

وانا.ادري ان العمر محدود
والايام تجري كما الصيفي

ولابـد بعد الـحـيـاة خـلـود
واللي قوي يرجع ضـعـيفي

وبعد الـسـعـاده قبر ولحود
حـسـاب وعـقـاب مـخيفي


الشاعر خالد مليفي