[اللحالي]

يـامـن لـه قـلـبٍ زايد الهم بـه شـاط
هـمٍ ضـرب بيـن المعـاليق لـه شـوط

لو هـو ضرب عكاش وجبال الشماط
صـار الجبل كنه مـع الأرض ممشوط

سـبـب هـواجيسٍ جديدات ونـشـاط
مـنـهـن تـكـدر خـاطرٍ كـان مبـسـوط

وقـتٍ شـقـوقه مالهـا طـب وخـيـاط
توسعت واصبح به الصـدق مـخلوط

والله مــايـزعـلـك وتصـاب بـحـبـاط
غـيـر الـكـلام اللـي يلفـق ومحطوط

لاشفت نـاسٍ هرجهـا زيـف وهـيـاط
صقارهم شـايل على الـكـف شـبـوط

فـي واقـعـه قـام يـتـخـبـط تخـبـاط
خـلـى الحقـايق كلهـا شـيء مغلـوط

مـاعـاد يـفـرق بـيـن تـمـوز وشـبـاط
ولاعـاد يـمـيـز بيـن تنقيط وخطوط

تحتـار فـي وضعه على كـل الانمـاط
ماله طبع واضح على شكل مضبوط


فلاح محمد الحربي