[اللحالي]

ياللي تجاريبكم ركبت ظهور السنين=وامضيتم اعدادهن وانتم تسوقونهن

عطوا الشباب النّصايح بالكلام الثّمين=ترى الليالي عليهم تسبر اعيونهن


وانتم تعرفون وضع الوقت يالغانمين=تتبّعوا للهروج اللي يهرجونهن


وخلّوكم اللي مراقب من يسارويمين=ماتكفي اللي من التدريس يقرونهن


يامن تعرف الفوايد خلّ فكرك فطين=حتّى الفتيات يلزمكم تعينونهن


شرايع الدّين جزلات الثّمن يالذّهين=والفايده لك وللي يستفيدونهن


وابنك يبي منك تشرح بين زينن وشين=وتجاربك لقّن الاولا مضمونهن


واشرح لهم ماتعايشته على الحالتين=وبسامح البال رددهن يحفضونهن

اللحالي الغيداني

اصايل معجب بهذا