[اللحالي]

هالمره شاعرنا ابحر بطول القافيه؟

يالغايب اللي ماسأل عن دمعي اللي منه سال
بالله عليك ابي انشدك من وين هالقسوة تجيك

مافي رسالة بالخطا أو كلمة ن فيها احتمال
انك تكون اشتقت لي وانك تبيني احتريـك

واذا بلاني الله بغيرك مـانـي بـقـايـل تـعـال
هاذي قلوب ومن دخلها ماتدور لـه شـريـك

وان راودت نفسي بنفسي ماني مجاوب سؤال
حتى و اذا تجبر فـؤادي مـايـحـن إلا إلـيـك

ولهان يا كبر الغلا وشلون أبي منـك مـجـال
خـليني افرح وابتسم واحلفك داخل عـليك

تدري إذا طال الغياب وبعدها جف الوصـال
وتلوم نفسك كل ساعة والخطا منك وفـيك

الله ياكبر العنا وان جيت ابي اضرب لك مثال
هـذا انـا ودموع عيني تشرح اللي مايجيـك

مرت سنة واصعب سنة وحمولي تهد الجبال
تكفى حبيبك طالبك مـاتدري أنه مات فـيك

البارحة كـنـه مضى لكـن أحـس إنـه مـحـال
واصعب شعور بهالزمن إنك تبي اللي مايبيك

ياصاحبي شفني كبرت وصرت عايش بالخيال
وتحس فيني منتهي لكن على حطة يديك

لـو ادري ان الحب بلوة مادخلت بهالمجـال
لـكـنـهـا صـارت كـذا و مـاقـلـتـهـا إلا إلـيـك

عمـر الجفـا ما ينتـهـي الا بحضورك ياغزال
وشلون انسى اللي حصل وشلون لو قلبي نسيك

و العـشق فطرة واختيار وماهو بلعبة عيال
وانا عشقتك وانت وحدك مالك بقلبي شريك

ابو وفي العاني

الهاشمي معجب بهذا