[اللحالي]

للحين ماجاني مـن غـيـابـك خـبـر
عودت نفسي كل حزة لـو نـسـيـت

اللي يسـافـر عـذره إنـه فـي سـفـر
وانت بغيابك كنك مسـافر وجـيـت

أمرار أحس إني عـلـى حـر الـجـمـر
واحيان أحس إني شرارة وانطفيت

ياسارق سـنـيـنـي و مـابـاقـي عـمـر
في ٱخر ايامي وأقول إنـي حـيـيـت

عمر الصبر مايشكـي حـدود الـصـبـر
لكني انـسـان ن و حـقـي لا شـكـيـت

اشوفك بعـيـنـي وانـا اغـض الـبـصـر
واراقـب حـضـورك و كـنـي مـادريـت

و أثر الحكي أحـيـان يـجـرح لا كـبـر
والعالـم الـلـه إنـي ولا مـرة حـكـيـت

ياصاحـبـي شـفـنـي وانا مـيـت قـهـر
قربت اموت من اشتياقي وانتـهـيـت

الـلـي احـبـه. كـنـت من دون الـبـشـر
سافر وخلانـي وانـا أصبـحـت مـيـت

و الـلـي عـذرتـه رغـم مـاعـنـده عـذر
ياليتني ما عـشـت حـبـه و ابـتـلـيـت

حتى خفوقي صار مـايـهـوى الـسـهـر
وانا أجادل فيـه ويـقـول اسـتـحـيـت

وانا حضري و البـدو اخـوان الـحـضـر
والبدو عندي فوق راسـي بـيـت بـيـت

ياشـيخ يـالـلـي مـاعـلـى قـولـك غـبـر
جيتـك وانا كـلـي مـحـبـة و أبـتـديـت

وسلومكم ماهي عـلـى سـطـح الـقـمـر
و فـعـولـكـم. لـولا. صـداهـا مـالـفـيـت

ابـغـا. حـلـيـلـة بـشـرع ربـي و الـبـشـر
وإن كنت مخطي فانت سيد من عفيت

ريم ن عشقـتـه صـار اكـثـر مـن شـهـر
ومن يـومـهـا وانـا عـلـى قـربـه نـويـت

واستغفـر الله إن كـنـت قـلـلـت الـقـدر
الـراس عالي راسكم و انـت الـبـخـيـت

و لـولا.. الامـل مـانـاوي أتـحـرك شـبـر
ولولا إني صـادق مـاتـجـرأت وإجـيـت

ابو وفي العاني