[معيض الضعيني]

الشوق كله لك ولا احدن يعادلك = لا والذي خلاك ليه حناني
أمي عساك بخير والعلم ياصلك =انك سكنتي بين ذيك المحاني
مهما يطول بي الزمن من معاملك = ما اوفيت حقك لو بجزاء الثواني
انتي زرعتي كل حب بتعاملك = وخليتي قلوب البشر لك سواني
ارشاك ياصل كل قلب بتواصلك = وبيرك يردها كل ضميان عاني
الكل حبك من محاسن خصايلك = واخلاقك اللي طيبها به ضماني
يا علني ما افقدك ولا افقد جزايلك = اللي لها في وسط قلبي معاني
صلة الرحم منباعها من تفضلك = انتي لها مرسى بحر مع مواني
لك مني الدعوة وحبة اناملك = وراجولك الثنتين باسفل مكاني
من حوله الجنه بخفك ومفصلك = مذكور بالسنه وجملة حساني
واختامها يا الله ما كثر فضايلك = قربت لي جنة لها شكل ثاني
وصلاة ربي عد ما دور الفلك = على النبي وازيدها برمضاني

معيض الضعيني

اصايل ,سعد السمين ,اللحالي الغيداني معجبون بهذا