[سعد السمين]

بعض العلوم

مـنهو يلوم اللي سرى تالي الليل=وخـلى الـبلد وأقفى على غير يمه
مـن ضيقة قامت على صدره تميل=لـيـن الـهواء مـا عاد صـدره يـلمه
بـعـض الـعلوم يـشيبن الـرياجيل=ومـن ثـقلها تـقطع عن القلب دمه
مـاله دواء غـير الفياض المساييل=أرض خــلا يـقـدر هـواها يـشمه
فـيها عـلى ناره تشوف المعاميل=ويشيل بأعلى الصوت ماحدن يهمه
فيها يخفف من عنا النفس ويشيل=ويـلقى الـعلاج لـكل ماهو يسمه
بـعـيد عـن نـقالة الـقال والـقيل=الـلي تـبلاء الـخلق مـن غـير ذمـه

سعد السمين

اصايل معجب بهذا