08-14-2014, 07:07 PM
|
#2
|
عضو مُشارِك
تاريخ التسجيل: Jul 2014
المشاركات: 62
|
ودّي اكتب للحبيب اللي ملك قلبي بحبّه
بسّ تجبرني ظروف الوقت وتعكّر مزاجي
* *
والله ان الوقت جاير بس مالي حق اسبّه
لو سرت ليله هبوب وقام في صبحه عجاجي
* *
يادهر مالي هوا بالكاس تكفى لاتصبّه
خايف انّك لو تصبّه ينحدر سيل المحاجي
* *
ان عرضلي هاجس الذكرى لهيب النار شبّه
واعتلج بي واهج النيران بالقلب اعتلاجي
* *
قالوا اسباب الهوى قلت الهوى مافيه خبّه
السبب بالخافي اللي ما لقيناله علاجي
* *
كل ماحاولت ابنسى والتهي جاني منبّه
ينبش الجرح القديم اللي بوسط القلب لاجي
* *
شالني بين اليدين وضمني في جوف عبّه
وانحنا مثل الوليف ولاسمع صوت احتجاجي
* *
حالف انه مايفارق صاحبه والا يكبّه
ابعده عن شرب حالي واقترب يمّ الهماجي
* *
للقدر ساعة حضور وللبخت سكره وهبّه
وكل يوم تشعّ شمسه من وراه الليل داجي
* *
سعد السهلي
|
|
|