[اصايل]

البارحة ياللي وجودك جود وغيابك جحـود




ياللي هل النمات لو يرمونهـا يخطفونهـا



ياللي شمال من الخبر شرق عن رمال النفوذ



ياللي تعني لي لها اقدامي واجـي لعيونهـا






ماهي ورا حد الحدود الا على حـد الحـدود






البحر كله من وراها والسهل مـن دونهـا






البارحة ما بين ريحانك ونفحـات الـورود






هبت هبوب الشوق والذكرى تميل غصونها






احييت فيك الطاري المعهود والحبل معقـود






وغنيـت منظومـةٍ طاروقهـا ولحونـهـا






قصيدةً يا كثر ما جانـي عليهـا مـن ردود






يا كثر ما غنوا لحنها بعـد مـا يقرونهـا






ماهيب من طرق الرومانسية ولاقرق الهنود






ابيات تبقى للزمـان ولونهـا هـو لونهـا






ماالذ من طعم الغلا ولاامر من طعن الصدود






يالله عسى ربك يعين وجيتـك يـا عونهـا






يومً من ايام السنة وليـلً تغطيـه الرعـود






سريت لي في ليلةً والناس مـا يسرونهـا






اسرجت للمسراح خيل وحن للمـرواح ذود






وعدتني الشيمة وخوف الناس لا يعدونهـا






اللي تقيدني وانا يا ابوفهـد مالـي قيـود






لازال تطعني وانا لازالـت اشيـل طعونهـا






اللي مشكل حزبها فيني ولا حزب الليكـود




فديتها عسى اهـل النمـات مـا يدرونهـا




كلمات / الشاعر محمد المريبد العازمي ..


تحياتي

ابو مناحي ,اللحالي الغيداني معجبون بهذا