=
=
سرى البارق اللي له زمانين ما سرى=صدوق المخايل بارقه يجذب الساري
=
على فرعة الوادي وسيله تحدرى=وغنت طيور الماء على الحاير الجاري
=
مرابي غزال عقب عرفه تنكرى=عليه الله أكبر كل ما حل له طاري
=
برى الجرح منه ومني الجرح ما برى=وهو يحسب انه يوم طال المدى باري
=
نطحني بجز الثوب حدر المشجرى=جميل المحاسن لاضخيم ولاعاري
=
ابو لبة مثل القمر ضاحي واسفرى=والى غابت القمرا تقدى به الساري
=
ترى سلبة العاتق الى صد ما درى=كما سلبة العرجون فى صفحة الذاري
=
صويب الهوى مسكين مشيه على ورى=ترى النقص فيه وحيله اقوى من الضاري
=
=
للشاعر : سليمان بن ناصر الشريم