09-12-2022, 10:53 AM
|
#8
|
|
مالك الموقع
تاريخ التسجيل: May 2014
المشاركات: 6,555
|
يالافي ابي انشدك وانت اعطني شور
آي الـمدن؟ وآي الـفـجـوج الـصـحـاري
لـلـي من غـووج؟ الحـضـارات مذعور
من ما.عن الـمـذهـب خـروجـه جهاري
اشـوف بـالأسـواق في نـجـد جمـهـور
الـبعـض.مـنـهـم.من يـسـمّــوا.خـكاري
وانـا أتذكّـر؟أهـل.الـصـفـن؟ و الـكـور
واهل الكرد؟والشّلف؟وأهل الـشّـبـاري
اللي و لعهم عسف مـهـرات و صـقـور
و أفـعـالـهـم تـحـمـي جـهـام.الـبـراري
راحم؟بـمـاعاشوه في ماضي اعصور
و آبـائـنـا. مـتـقــصـقـصــيـن؟الأثـاري
وانـا بـوقـت ٍ فـات..شـالـع؟مع اطيور
واليوم هابـط.و الـهـبـوط؟أضـطـراري
يابو بدر و.الـقـيـض مـتـمـادي أحـرور
وانـا اسـتـلـم. لـيـلـي.و سـلّـم..نـهـاري
بـيـن الـجـمـوع اللي بها الفكر محيور
مـدري؟ حـمـام الـورق؟ و إلاّ. كـنـاري
جزاع حمدان الغيداني 1444/2/13هـ
ردي على قصيدة الأخ :جزاع بن حمدان الغيداني
خط ٍ لـفـانـي زادني فـخـر وسرور
يـامـرحـبـا بـه عـدّ. رمـل الـذّواري
تسلم يابو سلطان عسـاك مـأجـور
ياطير شلـوى يـابـعـيـد الـمـسـاري
ان كان تبغى الشور ياطيب الشور
وجهة نظروإلاأنت رجل استشاري
مايأمر ممرض على شخص دكتور
ولايأمر موضف على الـلـي وزاري
والبر له مـتعـة ونـاسـه وجـمـهـور
خص ٍ لـيـا خـالـط.نـبـاتـه خـبـاري
لياجيت في جوٍ من الغيث ممطور
هـذا هـو اللي يـعـشـقـون الـبـراري
وقتٍ مضى تلقى به الصيد ميسور
تـلـقـى بـه الـغـزلان..والا الـحـبـاري
والـيـوم مـاتـلـقـى بـهـا لـو عصفور
أشكي على الله حيلتي وأفـتقـاري
والا المدن ماغير نامس وصرصور
مـع عـالـم ٍ تـكـثـر عـلـيـه الـمـزاري
وآبـائـنـا و أجـدادهـم جـالـهـم دور
ينزحون الخصم غصـبـن إجـبـاري
كم طامعٍ خـلـوه طـايـح ومـثـبـور
بالشلف وإلاّ..في بـنـات الـسـواري
واليوم وقت أمان والخير مكثـور
لكن بلـشنـا في هـنـود الـمـصـاري
وأذكّرك ياراعـي الـجـوخ والـكـور
والـوقـت قفى وأنت فاهم وداري
و هـذا زمـان ٍ كـل يـوم ٍ بـحـادور
مـايـعـرف الـمـسلم من الانتحاري
لافي محمد الغيداني
__________________
لا إله إلا أنت سبحانك إنّي كنت من الظّالمين
|
|
|