[اللحالي]

ليه القلوب المظلمة تمشي ورى طردالسراب
وليه العقول الخارفة ماتفهم اللي نفـهـمـه

صوت البلابل ملحمة ماهو مثل نعق الغراب
شتان مابين القطاعة وبين ود و مـرحـمـه

والود لامنه اختفى ماعاد ينفعـنا الـعـتـاب
شي ن وغاب ومارجع وش فايدة لا نغرمه

حيرة عقل وازدادها فرق الحضورمن الغياب
عسر الهضم لا يضطرب ماكل شي ٍ نهضمـه

لوماعرفنا أن الحياه من بعدهاموت وحساب
وش عاد باقي للجنـون وللامـور الـمـبـهـمـه

حنا سطر وأصغر سطر والعالم الباقي كتاب
ونضيع مابين الكتابة والسطور الـمـحـكـمـه

فينا عتب فينا قـهـر فـيـنـا فـراغ و ارتـيـاب
فينا كثير من الجروح الـباقـيـة و الـمـؤلـمـه

فينا من اللي لا خطا مـالامـتـه روحـه و تـاب
وفينا من اللي لا خطا لو يعترف مـانـرحـمـه

طبع البشر غاوي طمع والوجه يخفيه النقاب
لامن تعرفه وانكشف مايـعـتـذر لـو تـشـتـمـه

حالة عموم ولا نـخـصـص كلـنـا بـالانـتـسـاب
لكنها صارت كـذا نـعـرف خـطـانـا و نـكـتـمـه

ولو الـبـدايـة بـالـغـلـط أكـيـد تـالـيـهـا خـراب
شـي ٍ بـنـيـتـه. بـالـغـلـط. لا بـد انـك تـهـدمـه

وشخص ٍعطاك اللي معه أعطيه والدنيا شهاب
مرت مثل لمح الـبـصـر و الـلـي تـوده تـكـرمه

و الـمـال مع حب الضنا وكثر المباني و الثياب
هـذي أمـور ٍ زايـلـة و الـبـاقـي الـلـي تـقـدمـه

عيش بنقا موت بنقا طيب لقـمـتك والـشـراب
رضوان ربك هو رجا ليت البشر تـسـتخـدمـه

اليوم من فوت التراب و باكر بـتـحـت التراب
واليوم حياك وهلا.. بكرة عسى الله يـرحـمـه

ابو وفي العاني