[اللحالي]

ضاعت كثير من المـعـاني في الكلام
ماعاد نفهم يـابـشـر بـيـت الـقـصـيـد

الـلـي يـقـل لـك لا تـسـوي ذا.. حـرام
واللي يقل لك ياتـرى هـل من مـزيـد

والناس ينقصها من النـاس أهـتـمـام
وانت اهتمامك لا قـريـب ولا بـعـيـد

يـاسـامـع ٍ صـوتي على الدنيا السلام
مـاظـن.. شـي ٍ بـعـد كل هـذا يـفـيـد

نفـسي اغـمـض عـيني الـلـيلـة ونـام
واصحى على عالم يخـلـيني وحـيـد

ألـوم. نـفـسـي ثـم اصـالـحـهـا تـمـام
واحكي مع روحي بموضوع ن جديد

وارافق رمـال الـصـحـاري و الـغـمـام
وانسى اني عشت ايام من عمري عنيد

و اكـلـم طـيـور اـلـبـراري والـحـمـام
وأخذ من صقور البوادي واسـتفـيـد

وانسى سنين الضرب من تحت الحزام
واتظاهر اني عـشت ايامي سـعـيـد

واااقول بالخـمـسـيـن لـكـنـي غـلام
أحبي كما طفل ن يريد اللي يـريـد

ياصاحبي يكفي زعل يكفي خصام
ادري بغلاتي وانت تعرفـنـي اكـيـد

لا والله ان الحب للصـاحب وسـام
وأن الصداقة حدها حـبـل الـوريـد

واني اعيش وصاحبي مرة يضـام
الموت لي احسن ولا اعوفه وحـيد

والشوك ارحم لي ولا ريش النعـام
وراسك تحته الصخر يالقرم العتيد

والحب ماهو لهفـة عـنـاق و هـيام
الحب موقف تفهـمـو والا ااااعـيـد

ابو وفي العاني