[اللحالي]

لو ماضي الشوق يسرق حاضراللهفه
كانت عقارب ساعة الـضـيـق ولـت

وإن قاسي الطبع مايدري عن الخفه
مـاكان مـن كانـت مـعـانـا تـخـلـت

والخير والشـر كل ٍ سـاكن ٍ ضـفـه
ويافاعل الخيرساعات الجزا حلت

كف ن عطاني الطيب حبيت كفـه
وكف ن منعني ياعسا الكف شلت

وقلب ٍ حماني دوم ماعفت صفـه
ونفس ن ذليلة رابـهـا كـيـف ذلـت

خذ لك معي في كامل الفيس لفه
وإسمع وشوف الناس لا هي تبلت

مال الزمن ياناس من يعدل الدفه
وأهل الردى وسفة عليـنـا تـعـلـت

ابو وفي العاني

يـلـلـي تواخذنا على الدمع بالـعـيـن
العين تـدمـع و الـمـواقـف ظـلـيـمـه

عمر ن يقارب بٱخر اليوم خمـسـيـن
والقلب ابـيـض و الـنـوايـا سـلـيـمـه

والشيب ماهو شيب لـو كان لونـيـن
والحـب مـاهـو عـيـب والا جـريـمـه

أحد ن يقول إنا على العهـد بـاقـيـن
وأحد ن يقول إنا العهـود الـقـديـمـه

وساعاتنا تمضي على زيـن او شـيـن
والحـافـظ الله و الـعـطـايـا كـريـمـه

وحنا تربينـا عـلـى الـحـلـم و الـلـيـن
واحلامنا بـيـن الـنـصـر و الـهـزيـمـه

ويابيتنـا لا تـفـتـح الـبـاب. مـاشـيـن
لـك. فـي. دواخـلـنـا.. أمـور ٍ الـيـمـه

ولك في اظافرنا بعد باقـي الـطـيـن
ولك لمة ن حلوة ولحظـة حـكـيـمـه

وياقلب لا تحزن على شي واثـنـيـن
بعض المواقف عاهة ن مسـتـديـمـه

وبعض البشر ماتعرف الشرع والدين
تمشي على شور الغبي و الـبـهـيـمـه

وبعض البشرعن طاري الموت لاهين
و الـمـوت اقـرب لـه وربـي عـلـيـمـه

والحين تسألني عن الدمـع بـالـعـيـن
وشلون تبغي ضحكة ن من يتـيـمـه

ابو وفي العاني