[اللحالي]

اصعب لقـا لا كان في ٱخـر لـقـا لـحـظـة وداع
حين العيون تناظر بدمعة و خـافـيـهـا حـزيـن

تبغاه عندك وإن يروح تكون حسيت بـضـيـاع
ويكون بك كل الوله وتـحـيـر مـابـيـنـه وبـيـن

وتعاود الذكرى على مرٱى عـيونـك و الـصـراع
و تهـيم في كل الدقايق و الثواني والـسـنـيـن

ويردد لسانك أفا وش حـاجـة ن لي بـألـتـيـاع
عقب أجمل أيام العمر راحت ولا ادري صرت وين

ياصاحبي مدري شقول وكيف اخبي سـر ذاع
وشلون اخبيها على من يسمع اصوات الونين

اعطيت لـلـدنـيـا ألـم و تـردهـا مـلـيـون صـاع
وتقول عادي افرحو و لويش مـني خـايـفـيـن

الخوف خلانا عـبـيـد وكـل امـر ن لـه مـطـاع
واليا عصينا له أمر صرنا بـحكمـه عـاصـيـيـن

الحب ميزان الحيـاة لـه في أمـور الـكـل بـاع
و الكره مـاجـيـنـا مـعـه لـنـا بـديـنـا وافـيـيـن

وأبي أسألك قبل الرحيل وقبل ساعات النزاع
وش قلت في نفسك علي لا شفتني حالي رطين

وشـلـون تـقـدر عـالـفـراق و انت حبك للنخاع
وشلون تهجرني وانا من علـمـك كـل الـحنـيـن

ابو وفي العاني