[اللحالي]

لو القلوب السـود مـافـيـهـا ظـهـر
على القـلوب الـوافـيـة سـلـمـولي

ولو النفوس البيض مليـانـة قـهـر
ماودي اسمـع شـي لا تـشـرحـولي

ولو الخواطركان يكسرها الشـعـر
قولو على شعري هفا واكـسـرولي

والبوح مشكل والمشاعرفي خطر
وانا تجـنبت الـلـي يـامـا حـكـولي

العين ماتسهر واذا جـاهـا الـسـهـر
تصيح يـانـجـوم الـسـمـا عـبـرولي

والجرح اشوى لو يعـود من السفر
الـلـي خـذا مـنـي لـسـانـي وقـولي

عيا الدلـيل يـنـوح لـكـن لا حـضـر
ابكي و ابكـي من امـامـي وحـولي

راح وغيابـه طـال اكـثـر من شـهـر
من بعد ماارسل يقـول احـسـبـولي

وانا حـسبت الـيـوم كـنـه كـالـدهـر
والحين جاوقت الحكي واسمعولي

حبيت رغـم أن اللي فيني مـاجـبـر
وأخطيت لني مـسـتهـيـن بـعـذولي

اقول له مـشـتـاق لـك وين الخـبـر
ارحم وجاوب قبل ماعـلـن ذبـولـي

ويقول لي لاهنت وش حال البحـر
وبحور شعـري كـلـهـم مـاصـفـولـي

وانا لو اني مـاعـشـقـتـك يـالـقـمـر
من يعشقك يابعد عـمـري وطـولـي

يفداك كل اللـي من غـيـابـك غـبـر
و افداك كلي يالغلا و لـك مـيـولـي

ابو وفي العاني