[اللحالي]

يالادمي لازعلت وضايقتك الـهـمـوم
ثلاث حافـظ عليها واحسب احسابها

تصدق وصلّ واستغفر وتقوى وصوم
تريح النفس وتفكـك مـن انـشـابـهـا

وثلاث تمرض جسدك وباقيه لك سقوم
الظلم واعراض خلقه والربـاء بـابـهـا

لاتحسبون الرباء بسيط شره عمـوم
اضعف حرام الرباء بالام وحـجـابـهـا

وثلاث منها مهونه عفّ عنهـا و شـوم
المضعفه و الـتكبر و الـبـخـل عـابـهـا

و ثلاث ترفع مقامك ياقـوي الـعـزوم
قناعتك والشجاعه وحكمـه ابـدابـهـا

وثلاث ماتريّحك لابد وقت مـحـتـوم
سلفه وقضوه وسلعة رخص ماتهابهـا

وثلاث فيها الوفا و محشّمات السلوم
الجار و الضيف و الـخـوّه وهـنـدابـهـا

وثلاث ماحدجهلهن بيض خيرالقسوم
خوي جنب و دخيلن طـب يـزهـابـهـا

مع جارطنبن قصيرن بالقصيرمحكوم
هـاذي الثلاث القديمه هاجسي جابهـا

وتهذيب نفسك عطا ومواصلك للحوم
و كثر التشرّه يغث النفس و عـتـابـهـا

وحسن التواضع جزاله والمقام اللزوم
و الصدق حبله قوي راعيه ينـجـابـهـا

الرجل ينقص مقامه في ضريع العلوم
لاجاب جرد السوالف عوجن ارقـابـهـا

صمع. الكواعه متاكه لرّجال الـقـروم
الـطّـيّـبـه. عـن هـزيـلـتـهـا تـحـلابـهـا

والصحبـه اللي على بيض النوايا دوم
اخير من صحبتن تزعجك بصحابـهـا

لاتنخدع بالضحاح ومقرعات الحلـوم
كم واحدن طاوع لنـفـسـه ولاثـابـهـا

وزين التعامل وقار الرجل قدر مشـوم
ارض الضمير وصنيعتهـا لاتـشـقـابـهـا

لاتنتضر وش مقامك تحتري للـقـدوم
النفس شيطانهـا لايـصـيـر مـحـرابـهـا

والحقد ماتحتضيه الا صدور الـرخـوم
مايقضي الدين هـجـر الناس لقـرابـهـا

ثنتين يحقـد بها الرجال فـيـهـا حـدوم
الـدّمّ. و الـعـار لاصارت هي اسـبـابـهـا

وإلاّ بقايا الامور تصـيـر سـاعـه و يـوم
هاذي صفات الشـجـاعـه مـاجـهـلنابـهـا

الشيل ماهو نقاء لمـرودعـات الـوشـوم
والا الشغامـيم مـعـروفـه مـاتـشـقـابـهـا

وكـم واحـد إيـقـول انـا قـوي الـسـهـوم
ولا.تبين حـجـه يـاكـود بـفـعـل كـتـابـهـا

فرايـدن صـغـتـهـا و مـوثـقـه بـالـرسـوم
وقدمي عواريف ماضـاقـت من ثـيـابـهـا

ولازكي النفس اقول من الخطايامعصوم
الـكـامـل الـلـه عـلـيـم. الـروح و ادرابـهـا

ذاير رشيد السحيمي