[ترانيم حربيه]

القصيدة كامله وشاعرها


دار الهـــواء فـوق الشجــر بندراجــــه

واناهـجـوسـي تتـبـعـه كـــل مــــاراج

القـلـب نـسـمـات العـلـيـل ابتـهـاجـه

والفـكـر خلـتـه الــدواكـيـك مـسـهـاج

فـــجٍ خــلا لاضــاق صــدرك عـلاجـه

يـــغنيك عن بعض المجالس والازعاج

سـحـابـة الـبــارح قفـتـهـا عـجـاجـه

يــلعبهـا صلـف الهـواء مثـل الامـواج

هـبـت هـبــوب مـدوريــن اللـجـاجـه

يـفـرح بـــزلـة صاحـبـه كــل هـــراج

مـن غيـر سبـه عـــاقـدٍٍ لـك حجاجـه

لاون مالـه مـع هـل الطـيـب مــدراج

اثــر الـعـوج دايــم يـحـب الـعـواجـه

لـو ينعـدل يـرجـع لسـاسـه وينـعـاج

مايسـتـوي طـعـم الـقـراح وهمـاجـه

ولا يستـوي نقـع الصفـا مثـل هـداج

الله ولا مــنــة مـحـســب خــراجـــه

شين اللغـــا ومن البطـر لابـسٍٍ تـاج

والله مـايـذبـحــك يــاكـــود حــاجـــه

لاصـــار في وجهك حيا وانـت محتـاج

بـالعـسـر يـسـر وللهمــوم انـفـراجـه

يـجيلهـا مـن والـي الـعـرش مـخـراج

ارفـــع يـديـنـك للـسـمـا ثـــم نـاجــه

يــظهـرك لــودونـك شرابيـك واسـيـاج


للشاعر / مجعد بن متعب الرشيدي

اللحالي معجب بهذا