=
=
العرب في جزيرتهم من قديم السّنين=والعروبه عروبتهم وهم عربانها
=
مير يالّلي تبي تبنون لي فلّه على شارعين=غربها ومن شمالها وشرقها بستانها
=
اسمحوا لي على ما قيل في كلمتين=قبل لا ياصل التّشطيب بيبانها
=
لا تقولون سافر يمّ هندٍ وصين=ديرتي واسعه وعربي سكّانها
=
أنا لو أبروح لبلاد المتبرّجين=كان قبّت براس العود طِلْقْ عنانها
=
فلوةٍ ما بَعَدْ عِسْفَت نشيط وسمين=كيف أبردّ هالغيداء وأنا غيدانها
=
مير يابو مشعل وأنا أخوك قل يالمسلمين=لا تطير الطّائره وأخوي على أمتانها
=
وقل لسلطاني وسطّامي وخلّك فطين=وقل لمشعل وحمدان وموسى على عنوانها
=
وقل لعبد الله واخوانه عموم الطّيّبين=ولو تسولف على الأحفاد في مضمانها
=
إشرح السّالفه تراهم ما هم جاهلين=لعنبو عين ما تعرف ذكى حيّانها
=
لو محمّد على يمناك يا ذَرْبَ اليمين=والله إنّي زعيم القوم في ميدانها
=
مير في دبرة الخالق وحنّا طايعين=لين تِحْشَر الأنفس على ديّانها
=