[ترانيم حربيه]

أضحك وأجامل وانا عايـش بعالـم غريـب
والــحـزن يـديّ بـيـدّه ، كنـي إمصاحبـه

والقلب مثل السما دايـم وسيـع ورحيـب
لكنّ مــافيـــه بـرق مـن الــفـرح لاح بــه

واذكر ليال الوصـل .. وأشغّـل العندليـب
لعلّي أنسى جروحـي بـه ،، وتنـزاح بـه

واللي عطيته خفوقي قلت لـه يـا الحبيـب
خلــه مــعك وأعشقه وأسكنْـه وإرتـاح بـه

طيّب مـعــه ميـر مــاينفـع معـاه أي طيـب
وإن قلت ردّه لصـدري طــالبْـك ، راح بـه

ويشوف من يعشقه ضايق وصدره صويب
ما كنْه يسمع صدى صوته ليـا صاح بـه

يرمـي سهومـه علـيّ ودايمـاً مايخيـب
وسنيـن حبـي معـاه ! وجيههـا شاحبـه

مافيه أقسى من جروح الهـوى و الحبيـب
والحب وادي سحيق وويل مـن طـاح بـه

ماكل جرح أتمنـى لـه يخـف .. ويطيـب
كم جرح ودي يطوّل .. من غـلا صاحبـه

اللحالي معجب بهذا