[ترانيم حربيه]

لا تـلتـفـت يــمـي ولا تـحتـريـنـي
انــا هنـا وقـفـت ركـابـي وريـحـت
للماضـي اللـي كـان بينـك وبينـي
رفـعـت يـمنـاي الكريـمـه ولـوحـت
ماني علـى كيفـك .. مثـل ماتبينـي
حتى ولو انـي صفحـت وتسامــحـت
اعلّمك وانــت اعلـم النـاس فـينـي
آمسيت من ليلة طعونـك ولا اصبحـت
مـن كثـر صدماتـي ونـكسـة سنينـي
هـلـلـت واستـغـفـرت لله وسبـحــت
يــاما ويــامـا شلتـك بــراحــتيــنـي
وياما على ضلـوع الحنايـا تمرجحـت
كل العلـوم اللـي ماابيهـا .. تجينـي
واقــول مع نفسك يــاليتك تصالحت
امــد لــك عـن كـل طيحـه يمينـي
لا تحسبني فـي مطيحـك تفرّحـت
ذنبي نحــت اسمـك بعـد والدينـي
ولو ينمحا المكتوب. ما ينمحا النحـت
لكن قدر .. مكتوب لـي فـي جبينـي
واليوم عــن دربــك بدربي تسمـحـت
وان قــادنــي لأغــلا الاماكـن حنينـي
ابــذكــر انــك .. مـن مكانـك تزحزحـت
يــاطير ما انت بوسط صـدري سجينـي
اكفــخ .. وقــابلك الفضــا وين مـا رحـت
شمــع الـمــحبه كـان اصــابـع يدينـي
يــا كثر مــا ضــوّيــت لأجلـك وسرّحـت
لاقــرب قــريب ٍ لي مــا ابيــح كنينـي
واعلمّك .. يوم اني لــشخصك ارتحت
حــطّيتك بــعيني وغــمّــضت عينـي
ويــاليتني غمـضت عيـني مـا فتـحـت
وفتـحـت عـيـنـي ودي اشـوف ويـنـي
ومْـع الاسف ومـع الاسف منـهـا طحـت