[اللحالي]

قامت هواجيسي توردني على الجمّة
وبيوت شعري عزاز وحسبة اولادي

دورت لي كلمة تبرا بها الذّمّة
لا ينقدوني محبيني وحسادي

قل للجنوبي يغني لك على الدمة
والا الشمالي يدّح الصوت ويهادي

لا تعطي اسرارك الحرمة ولا الرمة
اثنينهم يفضحونك لا بدا بادي

الشهم يغتاض من طيحة ولد عمه
والا الردي لو يشوفه يحترق عادي

نشوف بعض الرجال احيان بالقمة
واذا هرج قلت يا ستار ياهادي

ثلاث تركي على الرجال وتسمه
الدَين والجهل والحاجة للاوغادي

وثلاث تنجيك والاحزان ملتمة
الدِين والعقل ومخاواة الاجوادي

وثلاث منها السنافي يحترق دمه
البهرجة والهياط وقلّ الارشادي

وثلاث تكسر مقام الرجل وتذمه
و لا تعيب اللذي ماعنه نشّادي

نّقال هرج القفا والكذب والنمة
ماهي لمن يعرف المعروف والقادي

واللي رمى بالمراجل من طرف كمه
هذا كما الحرمة اللي مالها حادي


صح لسان شاعرها سلم ناقلها ابو وليد

اصايل معجب بهذا