كل مافتحت الواتس روّحت لسعود=والياضغطت اسمه لقيت (اون لاين)
و لا وصــلني لارســــايل و لاردود=الظـاهـر إنه بــس يـدخل يـعـــاين
ياسعود قلبك وين ماهو بـمـوجـود=ابـســألك و أنـا بنــاخـي و مـٰـاين
كانك هـواوي مـانته مـحـصلن فود=الحب مالك وسط سـوقـه زبــايـن
الـحـب مـاعـاد انت وياه يـالـعـود=وانته وابويه يـبـو سـامـر سـنـاين
زملا دراسه... لو بتنكر ! به شهود =عـنـــدي أدلّــه لـلـكــلام وقــرايـن