الفكـر شـارد وانـا ودي ولا ودي=والعمر محدود والانفـاس محسوبـه
وأنا من العقـل متعشـي ومتغـدي=والحمدلله أعـرف الـدهر ودروبـه
والله فلا أطمع بثوب مايجـي قـدي=يوم أكثر الناس دايـم مسبـل ن ثوبـه
وشلي على اللقمه اللي في طرف يدي=ما أقدر عليها وهي ما هيب مكتوبـه
كم واحد يحسـب إن اللـوم متعـدي=واللوم غآشيه مـن راسـه لعرقوبـه
نتبع ظروف الزمن ونجيب ونـودي=ونقوم ونطيـح كـلن دون ماجوبـه
ما بين موج البحر والجزر والمـدي=تبقى الثقة حاجة في النفس مطلوبـه
حتى لو إن الظروف تسير في ضدي=لابد ترجع ظروف الوقـت مغلوبـه
ورث ورثته ورثه أبوي عن جـدي=ماهين نفسي ورى اللي ينفخ أجنوبـه
أعز نفسـي وأنـا مانيـب منحـدي=الأمر لله وباب الرزق مـن صوبـه
إخوان يوسف من أصل الأب والجدي=خذوه مره وراحـو بـه ولا جوبـه
يبقى الردى في عيون الناس متردي=متوقي فـي لحـاف ن يستـر عيوبـه
هذا وانا طول عمري مانكشف سدي=عالي النظر والقلوب السود مقلوبـه
أساير الوقت واثر الوقـت متحـدي=يطرح ويجرح ونار الموت مشبوبـه
لا..واعساها سحابة صيف وتعـدي=الهاجس اللي يلوف القلـب ويلوبـه
أموت وارحل ودمعي ماوطى خـدي=حتى لو الروح مسلوبـه ومنهوبـه
للشاعر / سلطان بن سعيد