[اللحالي]

مشاركة الشاعر/عبدالله عبيدالله الغيداني في حفل قبيلة الغيادين لتكريم الاستاذ سماح والاستاذ فلاح اعضاء المجلس البلدي

مرحبا ماهي لأحد من دون احد محصوره=مرحبا بالمحفل العامر وفي ضيفانه
مرحبا من شاعرٍ مشاعره مسروره=في مضيف العزوة اللي شرعوا بيبانه
الجزال مقدمه والناقصة مقبوره=والكرم من طبع ربعي والكرام معانه
ربعي اللي بالعلوم الغانمة مشهوره=والقبايل كفو. ولسان اللبيب حصانه
ومجدنا ماهو طباشيرٍ على سبوره=مجدنا من يوم كنا راجحٍ ميزانه
وهمة الشاعر بربعه تعتبر مشكوره=تكبر القاله وتصغر ما تهز كيانه
الشبور الطايلة من دونهم مقصوره=والورود مصدره والفاضية مليانه
شاعرٍ بأمجاد ربعه ما تهيض شعوره=يعتبر ماله وجود ولا لشعره خانه
لويغني لين حتى يلتهب حنجوره=والله ليبطي وأنا ما قلت صح لسانه
كان ماله عند ربعه رايةٍ منشوره=نقص،،لو يزعل علي وينفجر بركانه

بعض من جوانب الحفل لا الحصر

من ماقام به للمنتدى ؛؛ كل من

نافل سالم الغيداني

براهيم عبدالرحمن الغيداني
.

أيوب معجب بهذا