[اللحالي]

قصيدة للشاعر/ عجّاب بن مبارك الغيداني "رحمه الله "

لا ياهبـوب الريـح هبـي بخطـار=خطار ما يـدرى مـن أي القبايـل
هبي بخطار ٍ علـى هجعـة النـار=لا طاب نـوم منقضـات الجدايـل
حتى أني أسري لي على ضين تجار=وأجيب لي من ضين الأنذال حايـل
مع منسف ٍ ينسف عليه من الأبزار=وعليـه ممـا يسّـر الله كمـايـل
يأهل النظا ياللي تطيعون الأشـوار=تنصّـوا اللـي يكسبـون النفايـل
سجوا بهن يأهل الركايب على أيسار=ويميـن للـي يدركـون الجمايـل
خل الردي وخطارته وقت مخضـار=اليا اعتقب نبت الحيـا بالمسايـل
الظفر يذريـه الولـي وال الأقـدار=وراع الكرم يعطيه منـش المخايـل

مجاراة الشاعر : نداء الغيداني

لاياهبوب الريـح هبـي بالاشعـار=عسى يجـي معهـا بيـوتٍ جزايـل
نبي نجـاري شاعـرٍ صـار تذكـار=للشعر وعلـوم الكـرم والفضايـل
له منوةٍ تصعب علـى كـل بيطـار=ماقالهـا قبلـه مـن النـاس قايـل
يبى الهبـوب تهـب خاطـر ودوّار=تعبـا وجوعـا يابسيـن البـلايـل
ويشري طلي من راعي الضان بحوار=مشهود له بالجـود والشـك زايـل
يفرح ليا جولـه مـن البعـد زوار=مشهور في طيبه مابيـن الحمايـل
عجاب يشهد لـه عـوارف وشعـار=وعندي على مااقـول فيـه الدلايـل
والظفر له قيمـه وشيمـه ومقـدار=والا الـردي دايـم قليـل الصمايـل
الله يجملنـا مـع الضيـف والجـار=وعسى لنا شبر مع النـاس طايـل
يارب تهدينـا علـى درب الاخيـار=ونمشي على سلم الجـدود الاوايـل

اصايل معجب بهذا