الله مـــن دنـيــا عطـتـنـي قـفـاهـا
من وين مـا عارضتهـا خالفتنـي
مـنّـت عـلـيّ بـلــذةٍ مـــن هـنـاهـا
مـن خلقتـي ماعمـرهـا فرحتـنـي
اطرد ورى الدنيا وتقفـي وراهـا
الله يــبــيــد حـيـلــهــا بـيــدتــنــي
ولاهي عليه .. كل واحد شكاها
ماقـول انـا اول واحـدٍ مشكلتـنـي
مافـيـه حــيٍ سـالـمٍ مــن شـقـاهـا
لكـن انـا فــوق الـلـزوم اتعبتـنـي
النـار يشكـي حرهـا مـن وطاهـا
وانـا وطيـت بنـارهـا واحرقتـنـي
يقولـه اللـي كـل خـطـوه مشـاهـا
ولا خـطـيـت بـخـطـوةٍ قـدمـتـنـي
ابو عجايب
عبد الله بن عبيد الله الغيداني