قصيده للشّاعر / سليمان مثري البلوي رحمة الله
حرب البعيد يوحد الصف يحمود =بس البلا يحمود حرب القرابه
=
اللابه اللي بينها الهرج موجود=أشهد شهادة حق ما هي بلابه
=
هرج القفا بالناس عيبٍ ومنقود =كلمه وتكبر لين تصبح طلابه
=
يبلش بها العاقل من أفعال مقرود= الجاهل اللي ما يحسب حسابه
=
والبيت لا شيد على كذب وجحود =مهما كبر يرجع على أصله خرابه
=
الجود ما كلٍ ترى يقدر الجود =وإلا الردى يا حمود مفتوح بابه
=
يا حمود ما خنا مواثيق وعهود =لا والذي للناس نزل كتابه
=
ادمح خطا مساعد على شان مسعود =اسكت حيا ما هو بخوف ومهابه
=
والصبر له حكمه وله وقت وحدود =اصبر على العجه برجوى سحابه
=
ومن لا يعشق المجد ما يكسب الفود=هذاك خبلٍ و ساتراته ثيابه
=
حرب البعيد يوحد الصف يحمود =بس البلا يحمود حرب القرابه
=