[ترانيم حربيه]

ان كنت تمــزح أمانه مـعك روقنـي

تراي مكسور خاطر وانكسـر ساقـي

بس بصـــراحه , من الآخر وصدقنـي

صدمتني واستراحت هقوة الهاقـي

ياليتك تحـس اه بحسـاس ٍ مضايقنـي

وياليت تقـــرى كلام ٍ داخـل احداقـي

حلمك منول في هالدنيـا تحققنـي

واليوم في بحر غدرك ناوي اغراقي

عــلمتني كيف أحبـك لاتوهـــقنـي

علمني أنسى ولا تستكثر الباقـي

كنت احسب إنك اذا جيتـك تعانقنـي

أثريك لا طــايق ٍ شوفـي ولا إعناقـي