صحيح انا شايب بعد واسمر شوي=والحظ(هافٍ هاف) يذهب وياتي
واسمي من الاسماءالقديمات يامي=اكيد مايعجب كثير البناتي
حظّي كذا لاهوب طيّب ولاسي=مثل ماقالوا(مادعت لي حماتي)
والشايب الله يرحمه ماترك شي=إلاّ عشرمعزا وسبع إلقحاتي
يابنت راسي ماعرف بارد الفي=وأيّام اجابهها بذاتي لذاتي
اصبر لجمرة ذيك كلّه لجل ذي=خوفٍ من التقصير في واجباتي
عندك خبر حبل الرّشا ياسم الطّي=وحتّى الهوى نحّت جبال السّراتي
قال المثل مافيه شيءٍ بلاشي=والمغفره مشروطةٍ بالصّلاتي
والهون ذل وزي ماهولنا زي=وعن كلّ هون اختار رقعة عباتي
حلفت انالأعز راسي وانا حي=مادام راسي يورح الذّارياتي
وقصيرتي لوهي مثل شمعة الضّي=تحرم عليّه مثل حرمة خواتي
وان كان ودّك تفهمين اكثر شوي=هذي صور وجهي وهذي صفاتي
وان شفتها ياقلب عيّت بعد عي=المسكنه ماهي سمه من سماتي
اصبر لوان الكيّ مايبري الكي=ورزقي على اللي كوّن الكائناتي
اختار حرف الألف والسين والجي=وغيري كثير اللي يسوّي سواتي
قدّامنا راحت على ابوك ياعدي=بغداد والبصره وشطّ الفراتي