‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎
يابـو نـدب مـا نفعـنـي مــا تدغشمـتـه = بضاعتـه مــا لـهـا بالـسّـوق سـوّامـي
أمضيـت عشريـن عـامٍ فــي تعمعمـتـه = وصدّرت بالقيض من عِدّه وأنا ضامي
والحِـجّ أدّيـت فرضـه والشّهـر صمتـه = ما قلت يا شيخ وش ترتيب الإحرامـي
والطّفـل مـا قلـت لأمّــه لـيـه فاطمـتـه = ولا قلت للشّايب إعرف قدر الأرحامـي
أقـول مــن حيـرتـي فــي مــا تنجّمـتـه = أريـد عِـرْفَ الحقايـق بـيـن الأوهـامـي
يــا سامعـيـن الـكــلام الّـلــي تكلّـمـتـه = عطونـي الـرّاي فــي شــرح التكـلّامـي
الهـرج فـي بيـت قـاف الشِّـعـر ليّمـتـه = مــن درس فـكـري تعـلـمـت التّلـيّـامـي
لـكـن بـعـض الـكـلام إردو وترجـمـتـه = وأخاف من غلطةٍ جـت مـن تترجامـي
الـمـقـصـد إنّ الــكــلام أدرج قـائـمـتـه = من جهد يمناي فـي تسويـق الأقلامـي
من دون ماقول وش مضمون خاتمتـه = الصّيـد موجـود والبنـدق مــع الـرّامـي
وأنـا مثـل مـن يمـسّ النّبـل بأسهمـتـه = بحجازنـا والعـراق ومـصـر والشّـامـي
والّلـيـل مــا فـيـه نــور يـبـدّد ظْلِـمْـتِـه = لـو مـن بعيـدا صـلاة الفجـر مجهامـي
وأشوفـنـي مبتـحـل بالـزّنـد وضرمـتـه = ولاني علـى ساحـة الهـدّات ضرغامـي
يــا كـثـر مغـثّـتـي مـــن مـــا تعلّـمـتـه = مشيوبـةٍ صحّتـي فـي كـثـرة أسقـامـي
مــا فـادنــي كـــلّ مـجـهـودٍ تهنـدمـتـه = مـا دامنـي مـا قـدرت أحـقّـق أحـلامـي
والّلـيـلـه الّـلــي بـهــا حـلــمٍ تحلّـمـتـه = تـجـي بـعـد ليلتـيـن وعـشــرة أيّـامــي
مـن كـلّ واحـد شهـر هجـري توقّمـتـه = إنّـــــه ثـلاثــيــن يـــــومٍ بـالـتّـوقّـامـي
فيهـا حلمـت إنّ لــي جـيـشٍ تزعّمـتـه = فـي منصـب قيادتـه وأمسّـس حـزامـي
والجيـش بالطّـاعـه العمـيـاء تسلّمـتـه = مـن ذات الأفـراد مضـمـون التسـلّامـي
وساعة عطيت الولاء في عهدٍ أقسمته = إنّـي زعيـم الجهـاد لنـصـر الإسـلامـي
قــمــت بــزيــاره لـطـلايــع مـقـدّمـتــه = وفهـمـت تكتـيـك مضـمـون التـقـدّامـي
وجـمـعـت أُمّـــار ألـويـتــه وأطـقـمـتـه = وقلـت إجمعـوا كـامـل الأفــراد قـدّامـي
وقابـلـت الأفــراد فـيـه وكــلٍّ أفهـمـتـه = إنّ الأمـانــه تـراهــا واجـــب إلـزامــي
وصحيـت والحلـم صعـب ولا تفهّمـتـه = مفهـوم فـكـري بغـبّـه موجـهـا طـامـي
كيـف يتحقّـق لـي التّبيـان مـن غمـتـه = وروابـعـي فــي عــدد جـــرادٍ تـهـامـي
ولاني سلوقـي سبـاق الصّيـد مفحمتـه = ينشّـنـي صاحـبـي وأعـــذّب عـظـامـي
وأصيـد والصّيـد غيـري ياكـل لحمـتـه = وأنـا جـداي التِّعـرمـش والتِّشمشـامـي
يالله دخيلـك عــن الحـقـران والشّمـتـه = والغلطـه الّلـي تـلاهـا عـظّـت إبهـامـي
ليا صار وقـتٍ مضـى لـي مـا تغانمتـه = الـيــوم وش أستـفـيـده مـــن تـنـدّامـي
لـو قيـل حــبّ المعـيَّـه هــذي عرمـتـه = واجـد مـن الـنّـاس عجلـيـن التِّغنَّـامـي
لـو طـاب لّلـي ثـلاث حـروف واسمتـه = ما ينحسب مع هَلَ الوسمات ميسامـي
ولو لامني من يجيـد العِـرف مـا لمتـه = لومي على الحاله الّلـي جرحهـا دامـي
مــن مــا تعانـيـه دمّ الــرّاس حجّمـتـه = يابـو نـدب والسّبايـب مـن تدغشـامـي
‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎