لـو قلت يا مـزعـم أبنشـدك وافتاد=عن من بالأرض وصار أمره سماوي
‎ ‎‎ ‎ ‎ = ‎ ‎ ‎
والشّايب الّلي حـار فـكـره بالآيباد=ودّه يـعــرفــه مـيـر فـكـره عـمـاوي
‎ ‎‎ ‎ ‎ = ‎ ‎ ‎
كيف يْعَـرِف وضع التّقـدم والأسناد=بالّلـي مـحـيّـرنـي بكـثـر الـدّعـاوي
‎ ‎‎ ‎ ‎ = ‎ ‎ ‎
لـه شاشـةٍ بالّلمس تفتـح وتنعاد=مـــدري زِرِيَّــه مـنـه والا حـيـاوي ؟
‎ ‎‎ ‎ ‎ = ‎ ‎ ‎
ولـيـا نشدته عـن بـعـيـدات الأنواد=قال أعطني عـنـوان وِاخْذَ الهداوي
‎ ‎‎ ‎ ‎ = ‎ ‎ ‎
وأنـا غـشيـمٍ في عـنـاويـن الأبعـاد=وهـذا على الأبعــاد حـبلـه رهـاوي
‎ ‎‎ ‎ ‎ = ‎ ‎ ‎
لجله جماعـات العـرب صـاروا أفراد=فـي مجـلـسٍ واحــد وكـلٍّ نـحـاوي
‎ ‎‎ ‎ ‎ = ‎ ‎ ‎
لو تنشد الواحد عن سلوم الأجواد=قـال أجّـل المـوضـوع ماني فضـاوي
‎ ‎‎ ‎ ‎ = ‎ ‎ ‎
وشلون أجلس بينهم مجلس حياد=وأنا على جَــزْلَ السّوالـف شفـاوي
‎ ‎‎ ‎ ‎ = ‎ ‎ ‎
وموسّدٍ راسي على الجِمْع مسناد=فـي مثـل توصيـف الـعـرب للفداوي
‎ ‎‎ ‎ ‎ = ‎ ‎ ‎
وأنـا يـا ابـن عـمّـي كـثـيــر التّوجّاد=على الـمَـعَـرْفَـه مثلهـم لـو حراوي
‎ ‎‎ ‎ ‎ = ‎ ‎ ‎
نـصـيـحـتـك لـعـلّ تَـمْـكِـن تشـرواد=مـن شاردات الفكـر والعظـم جاوي
‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎

ابـشـر بطـيب وكيف دله وبراد=ومـفـطـحٍ باللي لـهـا اربع عراوي
‎ ‎‎ ‎ ‎=‎ ‎ ‎
مقـدار والا مانت في حاجة الزاد=من شـبـتـك وانـته سخي وغناوي
‎ ‎‎ ‎ ‎=‎ ‎ ‎
وانا ترى عـندي سـواليفٍ جداد=جـاتـك عسـاها ما تـجـيـك البلاوي
‎ ‎‎ ‎ ‎=‎ ‎ ‎
على الكحيله سرج وشعيله شداد=يـطـون دارالـخوف والذيب عاوي
‎ ‎‎ ‎ ‎=‎ ‎ ‎
لهـن على وضح الـنقأ عد ميراد=صمـايـلٍ ماهي ضـنـون وهـقـاوي
‎ ‎‎ ‎ ‎=‎ ‎ ‎
عليهـن الباكـور والشـاهد عضاد=وكـلـش مـقسـم قـدمهن بالتساوي
‎ ‎‎ ‎ ‎=‎ ‎ ‎
ماظـنـتي يخـفـنك حروف واعداد=وانـت الـذي للـمـرجـله ما تراوي
‎ ‎‎ ‎ ‎=‎ ‎ ‎
اللي تقول انه على اللمس لاعاد=لولا الـمـضـره ماسمعت الشكاوي
‎ ‎‎ ‎ ‎=‎ ‎ ‎
يـوم التطور خرب طـبوع الاولاد=كـن الـرجل في وسط بيته خلاوي
‎ ‎‎ ‎ ‎=‎ ‎ ‎
دنياك يـا جـزاع تـحـتاج لـجهاد=والصبر بـرهان الطبـيـب المداوي
‎ ‎‎ ‎ ‎=‎ ‎ ‎
والـعـلـم الاول راح ماعـنه نـشـاد=وحـنا بـنـعـمـه ما تجي بالمناوي
‎ ‎‎ ‎ ‎=‎ ‎ ‎
وصــلاة ربي عــد مـا هـل رعـاد=على رسول الله صـدوق الفتاوي
‎ ‎‎ ‎ ‎=‎ ‎ ‎
‎ ‎‎ ‎ ‎=‎ ‎ ‎