والله يـالولا قطـع الأرحام واللوم =وأخـاف مـنهو بـفضله الـناس حيه

لا أكتب على بعض العلاقات للسوم=ولا تــراهـا لـمـن بـغـاها هـديـه

لــنـٌا تـربـينا لـنـا طـبـع وسـلـوم=ومــن طـبـعنا دايــم وفـينا حـميه

نـشوش لـلصاحب وبالموقف نقوم=لـكـن يـجـيلك نــوب بـالناس عـيه

والآدمـي لـو كـان بالجهل موسوم=ولـيـا خـطـا تـسهل عـليه الـخطيه

لـكن كـذا الـدنيا صـواديف وقسوم=ولايـعترض مـسلم ولـو هـي رديه

والـحر حـر ولا يـشابه مـع الـبوم=كــل عـلـى طـبعه ويـعرف خـويه

وإن عــودت ضـلعانها كـلها حـزوم=الــحـر دور ديـــرة غــيـر ذيـــه

سـعد تـركي السمين

المشاركة الأصلية كتبت بواسطة اللحالي الغيداني (المشاركة 3779) ياجعلك تسلم يابو تركي ؛ صح لسانك ع هالرائعه

المشاركة الأصلية كتبت بواسطة رجآوي (المشاركة 3782) يا سلام عليك يا سعد صحّ إيمانك على هالأبيات المعبّرة .

المشاركة الأصلية كتبت بواسطة معيض الضعيني (المشاركة 3839) صح السانك ابو تركي مميز ولك تحياتي واحترامي

المشاركة الأصلية كتبت بواسطة اصايل (المشاركة 4664) صح لسااااااااانك وبيض الله وجهك ابيات رااااائعه سلمت يداك دمتم بحفظ الرحمن