‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎

يامتعب الأقدام ماشي على وين=مع جرّة جاها العجاج ودفنها
‎ ‎‎ ‎ ‎ = ‎ ‎ ‎
ارجع وعدّ خطاك وحده وثنتين=واكبح جماح النفس والزم رسنها
‎ ‎‎ ‎ ‎ = ‎ ‎ ‎
لاتامن الدنيا ترى وضعها شين=ماعاد به دنيا صحيح بدنها
‎ ‎‎ ‎ ‎ = ‎ ‎ ‎
لاصاروا العقّال مثل المجانين=واصبح ردي العرف يامر وينهى
‎ ‎‎ ‎ ‎ = ‎ ‎ ‎
انا مجرّب والتجارب براهين=اراهن الأيام واكسب رهنها
‎ ‎‎ ‎ ‎ = ‎ ‎ ‎
منها عرفت الفرق بين الفريقين=سبحان من صاغ العقول ووزنها
‎ ‎‎ ‎ ‎ = ‎ ‎ ‎
وان كان صح ان التجارب براهين=ضمنتها لن كان ربي ضمنها
‎ ‎‎ ‎ ‎ = ‎ ‎ ‎
رفقة ردي المعرفة بعتها دين=على زبون ضمّها واحتضنها
‎ ‎‎ ‎ ‎ = ‎ ‎ ‎
بغى يجيني بالثمن قلت بعدين=امسك فلوسك لين ننشدك عنها
‎ ‎‎ ‎ ‎ = ‎ ‎ ‎
مابعتك الاّ سلعة يااحمر العين=ابيعها وابيع حتى ثمنها
‎ ‎‎ ‎ ‎ = ‎ ‎ ‎
والله مبي فيها ثمن لو قرشين=بس المهم اني تخلصت منها
‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎