‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎
يالـكـون فـيـك النّـهـار ولـيـلـك الـدّاجــي=والخـلـق بـــالأرض والأبـحــار مـزدوجــه

وفيك الكواكـب ونـور الشّمـس وهّاجـي=وفيـك القـمـر بالّليـالـي هــذي وهـوجـه

وفيـك الهبايـب مـع الأفـجـاج تنسـاجـي=والسّحب بين السّماء والأرض مسجوجه

وقطبينـك الّلـي بـهـن جـبـال الأثـلاجـي=وش عـاد لـو كــلّ واحــد ذابــت ثلـوجـه

أنــا أدري إنّــك لعـلـم الغـيـب مـتـلاجـي=فـيـك الخفـايـا عــن الأفـكــار ملـيـوجـه

ياوقتي اللي تعروج فيك ألافجاجي=ترى الاشاعه لجسمي هيّ كتلوجه

لا تحسـب إنّـي بـعـرفٍ فـيـك متفـاجـي=خيـول فكـري علـى مغـزاك مسـروجـه

مــع منـهَـجٍ كــلّ مــا هـدّيـت ينـبـاجـي=مــا فـيـه طمـنَـه ولا طلـعَـه ولا عـوجـه

الله عطـانـي فـكـر سَـمْـحَ التِّمزيـاجـي=وعلم القلم شفـت فيـه الـرّوح مبهوجـه

مـن يـوم صغـري وأنـا بالعلـم ملهـاجـي=راحمـنـي الله مـــن التّـتـويـه والـبـوجـه

أبــــوي عـلّـمـنـي الآيــــات تِــدراجـــي=قبل أعرف أمسـك قلـم الحبـر وأسوجـه

مــع الـتّـجـارب بمـدخـالـي ومـخـراجـي=والنّظره الّلـي علـى الصِّدفـات مبلوجـه

وعرفـت حلـو الـقـراح ومــرّ الأهمـاجـي=والشّربـه الّلـي مــن الاثنـيـن ممـزوجـه

موسوعـة العـلـم مــا فيـهـا تخفنـاجـي=ولا هـي لواحـد عــن الثّانـيـن معـروجـه

ولـو جبـت شـرح السّوالـف بالتِّدبـلاجـي =تـجـي السّوالـيـف مـمـروره ومهمـوجـه

يا ما حلا الصِّدق مِـن عذبـات الأمهاجـي=أعذب من مشوّق العصفور بهزوجه

في مــال دكـتـورهـا فـيـهـا تمـعـلاجـي=لكنّـهـا مِــنْ رمـــوز الـعـلـم منـسـوجـه

والعلم في وصف بحـرٍ صلـف الأمواجـي=وكــلٍّ يـبـي ينـطـح الأمــواج بسـيـوجـه

وأنــا عـلـى ساحـلـه ومـولِّـع سـراجـي=الله يـسـتـر مِـــن الأريــــاح وعـجـوجَــه

هـذا الّلحالـي مـا بيـن الخـلـق دوّاجــي=معـتـبـرٍ الـكــون جـامـعـتـه بمـنـهـوجـه

يــدرس بـهـا كـامـل الأتـــرام دِفـلاجــي=مِـن خـوف لا يندفـع بعـلـوم مسمـوجـه

مـا همّـه الّلـي بعجـل الـهـرج لجـلاجـي=الــرّادوا الّـلـي يسـابـق فـــرّة الـمـوجـه

المبتـلـى عــن خفـايـا الـنّـاس هـرّاجـي=أكثـر تشاتيـت خـلـق الله مــن هـروجـه

طالـبـك يالّـلـي لعـسـر الـكـود فـرّاجـي=يالله عسى النّار مـا هـي فيـه مفلوجـه

يا كثر مـا شفـت مِـن هالنّـوع عرواجـي=لكـن بعـد شفـت نـاس بطيـب متيـوجـه

للغانمـيـن الأفـاضـل وســع الأفجـاجـي=رحـمـة وجـيـهٍ لأمــر معبـودهـا تـوجِــه
‎ ‎‎ ‎ ‎ = ‎ ‎ ‎
‎ ‎‎ ‎ ‎ = ‎ ‎ ‎