ياعاذلين القلب زاد اكتئابه=مافاد فيه العذل والجرح دامي
ياعاذلين العذل قفلت بابه=تريحوا ياسامعين الكلامي
قلبي ترا جرحه عميق وسطابه=أشد من جرح الرهيف الحسامي
لا احدٍ يلوم القلب ويقول مابه=ترا السبب معروف عرفٍ تمامي
لاواعنا العاشق وزهرة شبابه=من عيطموسآ ماتعرف اللثامي
وجديلها اسود ليل ماينسرابه=غطا ضهرها وانحدر للحزامي
والغره بروقآ بوسط السحابه=ليا برقت زاحت جميع الضلامي
وتقويسة الحجان قوس الربابه=سبحان خالقها بادق النظامي
ورموشها كلآ عطيب صوابه=صفين مبريات مثل السهامي
والخشم تقل مهندآ في نصابه=سلة رهيف الحد بالازدحامي
وشفايفآ فيها حمار وتشابه=توته تكفي عن لذيذ الطعامي
وسنونها لون البرد وانسيابه=ليا انحدر من مدلهم الغمامي
والخد بدرآ فيه نور ورحابه=من طالعه يحرم علاه المنامي
والعنق فيه الطول ولانسكابه=اوصافه تحير جميع الانامي
وصدرآ حوا كل السعه في جنابه=فيه النهود تقال بيض الحمامي
والجسم غصنآ رابيآ وسط غابه=يوم يتمايل كن ماله عضامي
مجمول ربي ساتره في ثيابه=غير يتبختر والضوامي حيامي
لا واعنا من يعشقه واعذابه=من ونته صحا جميع النيامي
وليا قنب قنبة صويب الذيابه=انا اشهد انه ياعرب مايلامي
وان مالطفبه خالقه واعتنابه=روح مراح مقاط مابه كلامي
.=
.=
الشاعر / ناصر عوض الحربي=

المشاركة الأصلية كتبت بواسطة ترانيم حربيه (المشاركة 2551) صح لسانك واعتلا شانك يابومناحي بيوت من ذهب قصيده رائعه واكثر من رائعه عوايدك يالشاعر لاعدمناااك

المشاركة الأصلية كتبت بواسطة معيض الضعيني (المشاركة 2553) الله الله يا ابو مناحي صح السانك كلك درر يا اجنيه الشعر لاعدمناك