|
النّوم عن ما يِغْفِي العين لايج
يابن عبيد أيامنا تِخْلِف ظنون=لكن عزانا في وساع الفجايج ليا ضاقت الخِطَّر على من يغثّون=عندك خبر من فايدات السّجايج واليوم يابو همس تطبخني شجون=من ما له بصدري عجوج الوهايج وأقول يا عبد الله الفكر مشحون=وشربت مع حلو القراح الهمايج من كثر مجلاسي مع الّلي يهذرون=والنّوم عن ما يغْفِي العين لايج وأبديت من ما يخفي الصّدر مكنون=الّلي بداخل عوج صدري لفايج وغنّى بهن فكري مواويل ولحون=وخذن بهن فِلْوَات فكري رهايج وأنا من الّلي بالجدود يتنخوون=مكرمهم الله عن دروب السّمايج مير الهروج الّلي بها النّاس يخوون=أشوف بعض النّاس فيها غنايج سمعت ناسٍ في سوالف يهرجون=قلت أخبروني عن مفاد النّتايج قالو ا على ما قالوا الّلي يقولون=سوالفن بين الأوادم روايج قلت الكلام اللي على غير مظمون=ماهو بقاضي للأوادم حوايج قالوا آوادم بالهروج يتسلّون=قلت التّسالي ما تجي بالّلجايج قالوا لسان الآدمي بحث مكنون=قلت اسمحوا لي ما تفيد الحجايج يالّلي لمعبود الخلايق تصلّون=تنزّهوا عن معفنات الخمايج يا ليتكم بكتاب الآيات تقرون=تبي تعرفون السّعد والبهايج والسّنّه الّلي سنّها سيد الكون=تلقونها مفتاح باب الفرايج الخلق ما هم مع مدى الكون يفنون=يجي بعث ومحاسبات وفلايج ومثقال ذرّه له بالأوزان مثمون=في موقفن يجمع لغات ولهايج |
الله عليك يابو سلطان صح لسانك مليوووون قصيده رائعة ودره من درر اللحالي عاليه بمضمونها وفيها من الحكمة والنصح الكثير لك مني كل التقدير |
الله يجزاك الخير على الاشاده الجزله منّك يالجزل
|
صح السانك ابو سلطان وجزله من جزل لاعدمناك
|
صح بدنك ابو وليد ماعليك زود يالغالي
اشاده جزله من جزل |
يــا*ليتـكـم*بكـتـاب*الآيـــات*تـقــرون …تـبـي*تـعـرفـون*الـسّـعـد*والبـهـايـج
والسّنّـه*الّلـي*سنّهـا*سيـد*الكـون …تلـقـونـهـا*مـفـتــاح*بــــاب*الـفـرايــج الخلق*ما*هم*مع*مدى*الكون*يفنون …يـجـي*بـعـث*ومحـاسـبـات*وفـلايــج ومثـقـال*ذرّه*لــه*بــالأوزان*مـثـمـون …فـي*موقفـن*يجـمـع*لـغـات*ولهـايـج صـــح لسااااااانكـ وبيض الله وجهك أبيات من ذهب حفظك الله أحترامي |
اصايل الله يرفع قدرك ويعللي شانك على هالاشاده الجزله
تحيّاتي وتقديري لك |
الله الله الله الله
الله الله الله الله الله الله صح لسانك يابحر قصيده جزله ورائعه من شاعر له بصمه بالمحاوره والنظم بيض الله وجهك ولاهنــــت ولك تحياتـــي وتقديــــــــــــــــري http://haaarb.com/up/uploads/14084030871.jpg |
اقتباس:
صحيح أنّي اكبر منك بالسّن انا شايب اكبر من نوح وانت ماشاءالله عليك شباب ؛لكن في بحور الشّعر لاوالله إلاّ انت أستاذي يشهد الله والحمدلله على ماوهبك الله من جزاله بغير قاصر بالجزلين والله اني بهم فخور وأغلب اللي افتخربهم من قبيلتي من ماعرفتهم مشكور على الاشاده الجزله من الجزل |
| الساعة الآن 05:45 AM |
Powered by vBulletin™ Version 3.8.7
Copyright © 2025 vBulletin Solutions, Inc. All rights reserved.
