منتدى اللحالي - أنا اللحالي

أنـا الـلـحـالــي كـان بالـعـلــم توحــون
وأقـول للـي يـفـتـهــم لــي بـالأبـيـــات

يــا أحـبـابـنـا تـنـبّـهـــوا لا تـغـفـلــون
عن الكتاب وما احتـوت فـيـه الآيــات

وآيـات في ساحــة نواظـر يـشـوفــون
منها السمـاء والأرض ويّا المحيطـات

والـلـيــل ونجـومٍ بــداجــيــه يـســرون
ووضح النهار لطالب الرّزق سرحات

ســاعــات بأجـواف الليـالي يـنـامـــون
وسـاعـات للأرزاق يقـضـون يـقـظـات

تنظـيـم حـيـاة الـ خــلايــق بـهــالـكـون
بـيـن السّمــاء والأرض عبـر المجرّات

سخــرهم الله فـي فلـكــهـــم يـــدورون
مـنــافـــعٍ مـنـهــا نـظــام الـحـسـابــات

لـلأشـهــر الـحــُرُم ولـلــي يـحــجّــون
واللي بحــقّ الـمــال دفــع الـزّكــاوات

وشهر رمضـان ومن بحقّه يصـومـون
وزكاة فطـره مـن حـساب الصــدقــات

وإحــيــاء لـيــالــيــه لـلــي يــجـــودون
مع ما عليهم من فـروض الـصّــلاوات

وبأجسامــهم آيــات لـلـي يـبـصـــرون
وعقولـهـم وأفكـارهم أنـواع وأشـتــات

وأعمار خلـق الله حسـب ما يعيشــون
لـلــي مــداد أعــمــار وإلاّ سـويـعـات

واللي غنـي واللي مع الفـقـر مديـــون
واللي سلـيــم الجســم واللي بعــاهــات

واللـي بـأمـانتـهـم مـن الله يـخــافـــون
يــافــون ولا يــبــخـســون الأمـانــات

واللي بـمعـهــود الأمـانـة يـخــونـــون
الظالميـن حظوظـهــم بــالــخــيــانــات

يـوم الجهـل والخلـق بالصـدق يافــون
ويوم انتشـر العـلـم شـفـنـا الحـيــالات

يا ناسنـا نصيحـتــي قـلــت تـكـفــــون
تماكنــوا لـو بآخــر الـعـمــر تـوبــات

توبـه وتسـبيــح ومـعـه تستغــفـــرون
ومجهـودكم فـي ما يتمـنّـوه الأمـوات

والعـلـم سلطـانٍ به النـاس يمـضــون
مـدامـهــم حـيـيــن لــه بـالـدّراســـات

ياللّه تـرحــم من بأمــرك مـطـيـعـون
وتعيـن مـن بالعلــم لـهـم جــهــودات

قـال انـفذوا لـكـن بسلطــان تـرقـــون
إن استطعـتـم في أقـطــار السمـاوات

ولكـلّ آيـــه فـي كـتـابــه تـحـفـظــون
وإدراك معـناهـا وبالـفـهـم وعـظــات

أعمـاركـم متـعــه وتـبـي تـمــوتـــون
والعلـم نـور ونـفـعـتــه بـالـنّـهـايــات

جزاع حمدان دخيل الله الحربي