منتدى اللحالي

يـا زيـد لـو تـنـشد على الخاص والعام
وجــمـيـع فــرصـه سـانـحـه تـغـتـنمها

تـرسل رسـايل مـا اعـتـبرها خـبر هـام
إلا انــهــا وجــهــة نــظــر واحـتـرمـها

مــا تـدري أنـي مـع صــواديـف الايـام
بـلـشـت لـي في عالم(ن) ما اهـضمـها

عـيت تـطـيب جروح قـلبي مـن الـعام
كــن الـنـسـيـم ان مــر روحــي كـتـمها

وقـريـحـة الـشـاعر تـبي مـصدر إلـهام
سـلـمـنـي الــدافــع لــهــا واسـتـلـمـهـا

لــو الــدوافـع نـــوب مــا تـلـزم إلــزام
مــتـسـاويـاً وجــودهــا مــع عــدمـهـا

لاعــــودت وســيــلـه لــغــايـة اقـــزام
وطـاحـت مـبـاديـها وطـاحـت قـيـمـها

صـديـت لـو ان الـضروره. لـهـا احـكـام
قـنـاعـة(ن) نــفـس الـعـزيـز تـحـكمـها

وان كـان لـك مـشروه لي بصمة ابـهـام
عــلـى عــنـودًا مـــا تــراخـت هـمـهـمـا

مـنـظـومـتاً نـقـيـتها مــن ذهــب خـام
وكـسـيـتـهـا مــــن رأســهــا لا قـدمـهـا

وان مــا خـدمـهـا نـشرها عـبر الاعـلام
تــطـغـى جــزالــة حـبـكـها وتـخـدمـها

تـجـذب لـهـا الأسـمـاع بـإنصاتهـا التام
وتـصـغـي مــن اول بـيت لـين اخـتمها

انــدب لـهـا يـا هـاجـسي وامـش قـدام
وعــلـى الله الـتـوفـيق بـالـلـي قـسـمها

لا تـلتفت فـي حظك ان طـاح وان قـام
الـقـومـه الــلـي تــرفـع الـــرأس قـمـهـا

وان مـا كسرت الرقـم الاصعب بالأرقام
ما اقـول لك نومة هل الــكـهـف نــمـهـا

فـريـسـة الـسـرحان يـقـدم لـهـا إقـدام
ونــابـه يــعـزل عـظـامـها عــن لـحـمها

لـه صـيدتاً مـن فـوقـها الـطير مـا حـام
جــزلـه و يـقـطـر شـاربـه مــن دسـمـها

يــا ذيـب عـنـدك وعـي وإدراك وإلـمام
و دنـيـاك فـيـها الـنـاس بـاعـت ذمـمـها

لاضــحـكـهـا دايـــــم و لا حــزنـهـا دام
وكـم ضحكتاً (ن) يقفى فرحـها ندمـها

خـلـت قــرار الـزيـر فــي وجــه هـمـام
لـلـحـظه الـلـي سـيـف سـالـم حـسمـها

والـلي مـايـدري عن خطر نابها الـسـام
تــبــي تـحـطـه لـقـمـتاً وســـط فـمـهـا

ومــن يـقـتنع بـرمـوز تـفـسير الأحـلام
ويـعـيـش جــو الـقـصـه الـلـي حـلـمـها

لــيـا صــحـى يـلـقى خـيـالاته اوهــام
الــلـيـل يــبـنـي والــصـبـاح يـهـدمـهـا

والـمجد لـو يـصنع مـن إخـراج الأفلام
ســادت عـلى إعـزاز الـنشـامـا خـدمـها

فهد سعد السليمي