منتدى اللحالي - اجمل تحيّه

السلام عليكم ورحمة الله وبركاته
مرتادي منتدى اللحالي جبت لكم هنا من قروب شعراء الجزاله مسجلينني معهم واليوم مريت على القروب و وجدت الاتي لاحدهم وجاريته ونقلت لكم ماحصل
؟ لعلهم يطردونني من القروب مع جزيل الشكر للجميع

يقول ابو ممدوح

اجمـل تـحـيّـه نـابـعـه مـن غـلاكـم
ياهل القروب اللي عـلـيـنـا عزيزين

قامات شـعـر و عـالي ٍ مـسـتـواكـم
صلتوا و جلتوا في جميع الميادين

لي الـشـرف بـمـشـاركاتي مـعـاكـم
قصايدي تعرص على ناس جـزلين

ترى الشعر مثل الذهب مايخفاكم
تـجـارة ٍ لـوقـدّرت... بـالـمـلايـيـن

ان كان جزتوها و حازت رضـاكـم
نشـرتـهـا على جـمـيـع الـدواويـن

تكرم شـواربكم و تـكـرم لـحـاكـم
ياتاج راسي يالحروب المـيامـيـن

الشاعر. سعود المسعد

يـالرّبع ابو ممدوح شـوفـوا نـواكـم
والعالم الله وش يبي يقول بعـدين

هالحين شوفوا وش بجزله نصاكم
لـعـلـكـم فـي مـثـل مـنـواه. نـاويـن

للي بجـزل الـقـاف يبحـث خـفـاكم
عطوه ماجـوبـه بـجـزل التّـثـامـيـن

يامسامرين نجومـكـم في سـمـاكم
انتم هل الجزلات بالعـسر و الـلـيـن

و أنا مسايه يستضيّ في ضـحـاكم
يـاللي عـلـى كـل الجـزالات راهـيـن

وسعود من جزل المـعـاني عـطـاكم
يـالـلي بـمـردود الـعـطـايـا وفـيـيـن

سرهيد اللحالي