منتدى اللحالي - يالهجوس

يالهجوس اللي تعومسني بكثر سـيَرَها
و ابتحلت بحالتي بين اليمن والشـامي

والسروات الطويله ماتزحزح عن اثرها
يامشقّـيني بلا ناتج و لا واضح عـلامي

انت ياللي معتلي بجـبـال يـامـأوعـرها
لاتقـول انّك يافكري خنجر و بـحـزامي

ثم اشـوف الفاطر.و بشفرتيك انـحـرها
زيـن لاكـبّـرت.. قـبـل افـسّـر الاكـمـامي

وانت تحسبني زعيم اللي غشاك غبرها
ماعرفـت انّي ماني بـايـع و لا سـوّامـي

واقفن بين ايمن ضروفي وبين ايسرها
مـاعـرفـت امـيّز حـروفي من الارقـامي

اشـهـد انّي عشت في اوهـام يامكثرها
لو كلامي صـح.لـكن نـابـع مـن اوهـامي

كيف ابشرح مانطـقـتـه و الاوام شـرها
و اتقيّد بالـقـيـود اللي بـشـرع اسـلامي

والذّواهب بالـفـيـافي مـاتـبـيـن جـررها
ساريه في ليل قبل اجود بها مـيـسـامي