منتدى اللحالي - مبدا كلامي

هذه الابيات والقصيده اللي بعدهن وصلوا المعني بهن عن طريق خاص لعدم العام بسبب ضروف صحّيّه

مبدا كلامي يالـرّيـاجـيـل الـحـشـام
لمحافظين وكل من معهم احـضـور

كلّن وجب له حقّ في قاف الـكـلام
لكن خذوها مجمله عـبـر الـسـطـور

الشـايـب اللي قـال يالـربـع السـلام
لاتوا خـذونه في تمـسراج الاومـور

لياقال كلمـه جـامـلـوا قـولوا تـمـام
المقصد المـطلوب يـجـتـاز الـعـبـور

تراه ناسـي كيف تشــبـيـح الـحـزام
وإلاّ بعد يمـكن دخـل عـقـلـه غـرور

مـير السـمـوحـه وانتم الرّبع الكرام
ورثٍ من الاجداد.في ذيك العـصور

الـلـي جـزايـلـهــم تـجـدد كـلّ عــام
بأعيالهم واحفادهـم وهـم بالـقـبـور

https://1.top4top.net/p_142840b1q1.jpg

أقــول يـا قـافي ويـسـمـع مـن أوحـاك
يوم اكتب سـطـورك وتقـضب سوايدك

يا حـرف أنـا لـي بـالـقـوافـي تـمـحـراك
وأقــول لـلـتّحـرّاك ذا وقـت مــوعــدك

وأعـيـد يا حــرف الـتّـمـحـراك وأقـراك
بـعــد أكـتبـك كـيـبـرد لـلـفـكـر يسـردك

مـع نـاشـي الامـزان يـا حـلـو مـنـشــاك
بيـن الـرّعـد والـبــرق تـحـلـو نـشـايـدك

الـنّـاس .مـا هـم جـاهـلـيـن بـسـجـايـاك
وأنـا .. بهالـمــرّه .. تـورّيـت .. أعــانـدك

ليا قـلـت لك باسـم الـقـبـيـلـه تـمـغـزاك
خـذ من سكارى نجـد مـصـدر تـعـامـدك

يـطـيـب لـك بـيـن الـغـيـاديــــن تـفـراك
في حـفـلـهـم وأنـا الـمـهـيــم بـرعـايـدك

تـجـيـب فـلـوات. الـفـكــر مـن خـبـايـاك
ياحرف قافي ويـكـفــي الله حـسـايـدك

وأقـول يـا سـعـود الـسّـعـد لا عـدمـنـاك
يـالـلـي.. بـربـعـك مـا تـقـصـّر جـهـايـدك

يا سـعـود وقـت اليوم مـا هـو بـيـخفاك
لكن عـسـى مـن كـوّن الـكـون يـسـعـدك

حــقّــك عـلـيّ أنّـي لـيـا حــلّ طــريــاك
أدعـو. بـظـهـر الـغـيـب فـي مـايـنـجـدك

يا سـعود أبوك وجدّك أسـاس مـنـشــاك
نعـم الشـيـوخ اللي عـلـيـهـم جـسـايـدك

مـانـي مـرجّـح لـك عـن الـغـيـر مـسـلاك
وفي ما هـقيـتـه فـيـك مـانـي مـهـاودك

عـساك في مـنهـاجـهـم تـمـشـي خـطـاك
وجـمـاعـتـك في كل مـوقـف سـنـايـدك

يـا اللـي . غـيـاديـنـك . مـنـابـع مـزايـاك
شجـعـان والـشّـجـعـان بـيـديـنـهـم يدك

قال الشريف الـحـرّ مـا يـصـحـب أديـاك
لــعــل.. مــع مــولاك . صـادق وعـايـدك

وقال الشريف اللي عـن الـمـيـل يـرفـاك
واقـول. بـالـمـجـهـود. يـطـوي بـعـايـدك

وجـمـاعـتك يا سعود لياعـمـسـت ارياك
نـعـم الـرجـال اللي بالاصـواب تـرشـدك

يا سـعـود عـسـى الله مـن الـشـّرّ ياقـاك
وإخـوانك اللي في مـسـيـرك تـعـاضـدك

واحذر طريق تـظـن بـه شرس الأشـواك
لـو فـي عــبـوره. تـسـمــع الـلـي يـأيّـدك

بـعـض الـطـّروق تـدور مـع دور الأفـلاك
مـمـكـن بـها تـافـد ..أو اعـبـور مـوفـدك

ثـم الـطـريـق الـلـي تـشـوف إنّـه أعـياك
قل الـصـبـر لو تـغـتـنـي عـنـه مـجـهـدك

يمـكن تجي تمـشي مـعـه نـاسـي حـذاك
و لا بـه مـجـالٍ عـنـه يـقـبـل مـحـايـدك

إخـذ الـحــذر مـطـلـوب دامـك بـدنـيـاك
مــع الـتـّضـرّع لـلـه .. الـلـي يـســاعـدك

قال الرّسول اعـقـل. وعـلـى اللّه تـكلاك
مـع الـحــذر من .. منّ يـدوّر مـصـايـدك

تـرى الـحـسـد يـدفـع بـراعـيـه يـشـنـاك
لو هـو قـريـبٍ مـنـك .. شــرّه يـكـابـدك

وإن صار جـذب الـدلـو ما هـو بـيـمـنـاك
مـجـذاب يمنى الـغـيـر مـا هـو بـفـايـدك

ولـو مـالـت الـدنـيـا عـلـى غـيـر مشـهاك
لا يـنـطـق لـسـانـك بـخــافـي بــدايــدك

وإن شـفـت قــريـبـك يــراوي بـجـفـواك
من كـرمـتـك له بالـصّـخـى لا يـحـشـدك

خلـّه .. لـيـا دكّـه .. مـن .. الـغـيّ ..دكـّاك
ثم شفت فـيه طـبـوع ما هـي حـمـايـدك

لـيـا صـار مـن كـيـفــه شـفـاوي لـفـرقـاك
قـل لـه ذلـوف مـقـيـط واصـدر زهـايـدك

خذها .. نـصـيـحـه عـامــّه لـك وشـرواك
لـو إنـهــا بـاسـمـك .. بـوقـتٍ نـشـاهــدك

لـكـن .. عـسـاهـا .. تـفـيـد ..ذولا وذولاك
وأنـت الـسـبـب فـابـياتـهـا يـوم أنـاشـدك