منتدى اللحالي - اردت أسولف

منتدى اللحالي (http://allahale.net/vb/index.php)

- ســرهــيــد (http://allahale.net/vb/forumdisplay.php?f=68)

- - اردت أسولف (http://allahale.net/vb/showthread.php?t=3577)

اللحالي

09-30-2019 12:06 AM

اردت أسولف

اردت... اسولف.. مع جزيري. و قال اص
ماني ... مجاوب... و النتايج.....نقايص

قلت. انت... اسمع. من كلامي... ملخّص
وان ماعجبك.. اشجب رموز... أللخايص

وحرّك... لسانه... مير. في كلمته...غص
و أصابعه..... برموز..... نفيه....رقايص

وأعذرت. بالهرجه. ورحت.. أتحصحص
لعلّي..... اجد.....لو. شرايد.....نصايص

ونشدت..انا صعيدي...و قال...لي. بص
و انا... بليل (ن)... ماتبوجه... بصايص

قلت. البصيص اللي على مقصدي خص
أتلا... الخبر به. تحت.. الامواج. غايص

اقفى... بتجغيم...البحور... إيتغصغص
و انا... علومي... بعد.. فقده....خبايص

يقول سرهيد هذا اللي يسمح به النشر

الهاشمي

09-30-2019 12:29 AM

ايييييييه ياللحالي
انت مايفهمك الا ربعك هذولاك ياسرهيد
باقيلك شهر وشويات وتقوطر لعدهم

معيض الضعيني

09-30-2019 09:20 AM

صح السانك وإعتلا شانك يابو سلطان
دورة بعض الناس بالاثر واقص
ولقيت بعض الناس بالحيل غايص
وارجع واكرر نظرتي ثمً احص
اثره يمارس مهنته في خصايص
يا عمنا شف حل والبال منفص
من قبل نبدأ بحثنا في بصايص
ونحلل الموضوع ونطلع عن النص
ونكمله من دون ناجد نقايص
حاولت اجاري عودنا داخل النص
محاوله يالعود وقافك معايص

اصايل

10-01-2019 07:47 PM

ههههه مااعطى فرصة لسرهيد يتكلم
صح السانك الله يحفظك
والله يكفيك شرهم

اللحالي

10-02-2019 06:46 PM

اقتباس:

المشاركة الأصلية كتبت بواسطة الهاشمي (المشاركة 20488)

ايييييييه ياللحالي
انت مايفهمك الا ربعك هذولاك ياسرهيد
باقيلك شهر وشويات وتقوطر لعدهم

ياحياك يابو ورنس صادق يا الامير
وعن الشمال الله يجيب الربيع اللي يجذبنا يالغالي

اللحالي

10-02-2019 06:48 PM

اقتباس:

المشاركة الأصلية كتبت بواسطة معيض الضعيني (المشاركة 20489)

صح كلك يابو وليد تسلم يالامير

اللحالي

10-02-2019 06:56 PM

اقتباس:

المشاركة الأصلية كتبت بواسطة اصايل (المشاركة 20490)

ههههه مااعطى فرصة لسرهيد يتكلم
صح السانك الله يحفظك
والله يكفيك شرهم

صح الله بدنك يالاميره

ايه مايبيه يهرج هههههههههههه
سرهيد ملقوف وش يبي بهم ضايق صدره يبي هرج معهم يهرج مع روحه اصرف له

الساعة الآن 01:13 AM